Popular Bible Verses from LUKAS 5

Share

Ndele eshi a mana okupopya, okwa lombwela Simon: “Ehena mokati kefuta mu ka lukile oiyulifo yeni.”

Ndele Simon okwe mu nyamukula ta ti: “Omuhongi, oufiku aushe twa longa, fye inatu kwata mo sha, ndele oiyulifo ohandi i lukile molweendjovo doye.” Ndele eshi ve shi ninga ova kwata eeshi dihapu unene, oiyulifo yavo oya tokauka.

Ndelenee Ye okwe likalela Oye aeke mombuwa nokwiilikana oko.

Ame inandi uya okwiifana ovayuki, ndele ovalunde ve lidilulule.”

Ndele Simon Petrus eshi e shi mona, okwa twa eengolo keemhadi daJesus ndele ta ti: “Omwene, dja po pwaame, osheshi aame omulunde.”

Ndele Jesus okwe va nyamukula ta ti: “Ava ve li nawa ihava pumbwa omuveluli, ndelenee ovanaudu ovo tuu aveke.

Ndele vo ova eta eewato davo komunghulo, va fiya po aishe, ndele ove mu shikula.

Ndele opa ningwa, eshi a li koshilando shonhumba, omwa li mu nomulumenhu e yadi oshilundu, ye eshi a mona Jesus, okwa wila poshi koshipala shaye ndele okwe mu indila: “Omwene, ngeenge wa hala, Ove to dulu okuyelifa nge.” Ndelenee Ye okwa nana eke laye, e mu kuma, ndele ta ti: “Onda hala, yela.” Opo pefimbo tuu olo oshilundu osha dja mo muye.

Ndelenee etumbalo laye ola tandavela, la ninga lihapu, novanhu vahapu ve uya oku mu uda nokuvelulwa kuye oudu wavo.