Popular Bible Verses from JEREMIA 8

Share

MuGilead kamu na vali omaadi abalsam ile kamu na vali omuhakuli ta hakula? Omolwashike oipute yokakadona, oyoshiwana shange itai veluka?

Ndele ove va lombwela u tye: Omwene ota ti: Ou e lidenga poshi, ita penduka po ngeno? Naau a puka ondjila, ita pukuluka mbela?

“Endongo lokoshi yeulu oli shii efimbo layo letembu, onghuti nokahanameva newanye tali koneke efimbo lealuko lalo, ndelenee ovanhu vange ovo tuu inava shiiva eyukifo lOmwene.

Ame onda pwilikina nonda uda ko, vo eshi tava popi eshi inashi yuka. Kape na nande umwe e uditile owii waye ouyehame ye a tye: ‘Woo, onda ninga shike?’ Aveshe otava pilamene ko, otava tondoka omatondoko avo, ngaashi onghambe omhedi tai tondoka molwoodi.

Ovanongo otava fifwa ohoni, tava haluka ndele tava kwatwa. Tala, ova ekelashi ondjovo yOmwene, ounongo washike ngeno ve u kwete?