Popular Bible Verses from 1 PETRUS 1

Share

Kalunga naXe yOmwene wetu Jesus Kristus na hambelelwe, Oye ou, e tu dalululila pafilonghenda laye linene eteelelo li nomwenyo okokunyumuka kwaJesus Kristus movafi, opo tu mone efyuululo itali nyonauka ndele inali nyata ndee itali xulu po, twe li tuvikililwa meulu, puye

Osho tuu eshi hamu li hafele, nande paife, ngeenge shi nokuningwa, tamu nyikifwa oluhodi okafimbo komayeleko mahapu, okupama kweitavelo leni momayeleko ku monike ku nondilo i dule oshingoldo hashi xulu po, ndelenee sha yelekwa momundilo, nokuninga ehambelelo nefimaneko noshinge meholoko laJesus Kristus.

Ndelenee hopaeleleni Omuyapuki ou e mu ifana, nye mu ninge yo ovayapuki mokukala kweni akushe, osheshi pa shangwa: “Kaleni ovayapuki, osheshi Aame omuyapuki.”

Ngaashi ovana hava dulika, mokukala kweni inamu shikula vali omauhalu mwe a wanifa nale mokuhashiiva kweni.

Onghee hano mangeni oiya yomadiladilo eni nokulidilika; lineekeleni shili efilonghenda olo tamu ke li pewa peholoko laJesus Kristus.

Osheshi: “Ombelela aishe oya fa omwiidi nolupe layo ongaashi onhemo yoshimeno; omwiidi otau kukuta nonhemo yao tai yaumuka, ndelenee ondjovo yOmwene ohai kala alushe.” Nondjovo oyo tuu ei mwe i udifilwa, ondaka iwa.