Popular Bible Verses from San Marcos 6

Share

Na' che' Jesúza' ḻegake': ―Ḻi sho' shajcho ga kono beṉ' lle' kwenc̱he yizi'lall'lat'cho. Golle' ka' daa ḻe chdia chllag beṉ' zan lawe'ka', na' ni bi chak latj gaogake'.

Na' che' Jesúza' ḻegake': ―To beṉ' chyix̱jee daa che' Chioza'ne', gattez chgoogake'ne' balaaṉ, san lall lille'na' aga no chgoo ḻe' balaaṉ.

Na' ka bichej Jesúza' ḻoo barkwa' ble'ile' ba bdi'a bllag beṉ' zan inlleb na' biyesh'lallile' ḻegake' daa nakgake' ka xil'do', ba kono x̱anin zoa. Na' wzoloe' dii zan dii bli' bsedile' ḻegake'.

Na' aga bitek yeḻ' wak gok gone' na', ḻete x̱onjchga beṉ' we'ka' bx̱oa neena' yic̱hje'ka' na' biyone' ḻegake'. Na' bibanile' daa bi chajḻe' beṉ'ka' c̱he'. Na' wde' bli' bsedile' beṉ'ka' lle' to to yellka' llia gaozə yell Nazareta'.

Na' bex̱' Jesúza' yetxtilka' gay' na' beḻka' zi c̱hop na' bḻis jalawe'na' yabalə bi'e Chioza' yeḻ' chox̱ken, na' bxoxje' yetxtilka' bi'en beṉ'ka' nakgake'ne' txen kwenc̱he be'gake' c̱he c̱he beṉ'ka'. Na' ḻekzka' yog'gake' be'gake' beḻka'. Na' yog'ḻoḻgake' wdaogake' ka beljgakile'. Na' postlka' bitopgake' yetxtilka' len beḻka' bichooṉan, na' biyakan zi shlliṉ xet'.