Popular Bible Verses from San Mateo 22

Share

Che uni Jesuse lui: ―“Uzeca Paꞌlu Diose diquinuꞌ arquiꞌlu, cuna diqui lunú necalu cuna diqui nuꞌ elliebacuꞌlu.” Ninguieꞌ neca mandamiento rluti, nú mase neca equie. Nu casi iguaelee cuna mandamiento rrucu nú rni: “Uzeca saꞌlu tucu nú secalu liꞌilu.”

Enzeꞌe titse bee bene enu sucuꞌ rucu bee mandamiento quieꞌ sucuꞌla nzeꞌe ye nú rni ley, cuna ye nú uquieꞌe bee profeta.

Xne huaxi bee bene enu nezeneꞌ, pero lleꞌnatsia bee bene enu chuꞌu.

Xne chenu huañizeca bee bene enu unguti, la yucuaꞌ bee bene saꞌ bee bene, nu la deteaꞌ bee bene enduꞌ bee bene chia, sino que acatsia bee bene xi neca bee ángeleꞌ Diose liñibe.

Ulubeꞌhua tucu melu nú riaxu impuesto lua. Che chu udeteꞌ beei tucu denario yanu. Chenu ulañiꞌnu melu cuaꞌ, che unedichiaꞌnu lubeei: ―¿Tiluu nú nequie lu melu quieꞌ nu ti lee enu nequie lue? Nu ucuaqui beei nú unibeei lunu: ―Arre Cesar nucuaꞌ. Che uni Jesuse lubeei: ―Udeꞌtehua lu arre Cesar lunú neca cuendaꞌ arre César, nu udeꞌteꞌhua lu Diose nú neca cuendaꞌ Diose.