Popular Bible Verses from Efesios 5

Share

Scua tucu nú necalahua lliꞌñi Diose enu secanu, ulaꞌnahua nú riꞌihua tucu nú rriꞌinu. Huañi nzeꞌcahua, uzecahua bee saꞌhua tucu nú seca Jesucristo liaꞌahua nú udeteꞌ cuendanu liꞌinu nú ungutinu equie cuendaꞌahua, nu unganu xi neca tucu uꞌna nú ñia rlia para Diose.

Enzeꞌe ubiꞌyahua xa nehuañihua, xne la neca nú lia nehuañihua sino que ubiꞌyahua xa nehuañihua. Diquila nú nehuañihua la zelahua nú lia xleꞌe dete bee bichiaꞌhua, uhuañihua tucu nú riala huañihua, xne tiembu quieꞌ necha nehuañi bee bene.

La lluchiꞌhua, xne elu xuchiꞌ cuaꞌ rnitilu bene, mejora uzelahua nú nibiyaꞌli Espíritu Santo luhua. Uniꞌhua lubee saꞌhua bee Salmo, cuna bee himno, cuna bee canto nú neca para Diose, nu diquinuꞌ arquiꞌhua ulaꞌhua nu uzuꞌcuꞌ ayahua Diose. Nu equie cuendaꞌ Jesucristo udeꞌtehua cheꞌtsa lu Paꞌahua Diose ye bichia equie ye beenú rriꞌinu luaꞌahua.

Enzeꞌe la huañihua lunú necatsia elliebacuꞌhua, sino que ucuaꞌnahua nú riꞌihua beyaꞌ xa niarquiꞌ Diose nú huañihua.

Leꞌca liꞌihua bee niyu enu nechia uzecahua bee unaꞌhua, tucu nú seca Jesucristo bee bene enu nzeli arquiꞌ liꞌinu, nu hasta ungutinu equie cuendaꞌbeella.

Ante uhuañihua xi neca bene enu necabe elliebacuꞌ, pero nee lunú neca tucu necatselahua cuna Jesucristo enu neca ellieꞌe luhua. Enzeꞌe uhuañihua xi nehuañi bee bene enu nzenala ellieꞌe cuaꞌ

Uzuꞌcuꞌhua nú rni bee saꞌhua equie nú rluꞌcuhua ulaꞌna lu Jesucristo.

Nu liꞌihua bee unaꞌa enu nechia uzuꞌcuꞌhua nú rni bee niyuꞌhua, tucu nú sucuꞌhua nú rni Jesucristo.

Nee bee niyu uzecahua bee unaꞌhua tucu nú secahua liꞌihua, nu liꞌihua bee unaꞌa uluꞌcuhua ulaꞌna lubee niyuꞌhua.

Enzeꞌe tucu nú rni lu ichiꞌ Stichiaꞌ Diose: “Tsaꞌna niyu paꞌlla cuna naꞌlla para nú aca tucutsialla cuna unaꞌlla, nu rucu beella aca beella xi neca tucutsia bene.”

La riꞌihua beenú la zibiꞌ nú rriꞌi bee bene enu necabe nzu elliebacuꞌ, sino que uniꞌhua lubeei para nú riꞌibeei beyaꞌ lunú rriꞌibeei.