Popular Bible Verses from San Marcos 11

Share

Tayta Diosninchita mañacur llapan shunguyquiwan yupachicur, mañacushayquita ćhasquinquipaj.

Sumaj tantiyacunquiman. Yupachicurga, tagay puntatapis ninquiman: ‹Caypita yacu püsuman jigacurpuy.› Llapan shunguyquiwan yupachicur niptiqui, änirmi tagay punta yacuman jigacurpungapaj.

Tayta Diosninchita mañacuycashayquićhu pitapis jagayächishayquita yarpärir, wanacuy. Llapanta jungay.

Jesúsna niran: «Imatapis mañacur, Tayta Diosninchiman sumaj yupachicuy.

Llapanta wicapar, runacunata tantiyachiran: «Tayta Diosninchipa shiminćhu nin: ‹Wasïga chay-tucuy marcapita sharcamur mañacamajcunallapämi.› Jamcunam ichanga suwapa maćhayninman ticrachishcanqui» nir.

Jesúspa jipanta-ñaupanta aywajcunapis cushicushpan japarpararan: «Taytallau Tayta, washaycallämay, ari. Tayta Diosninchi caćhamushan runa alli ricash caycullächun.

Ima allish unay mandaj David mandashan marcata jatarachinanpaj shamusha. Janaj pachaćhu cawaj Tayta Diosninchita alliman ćhurayculläshun» nir.