Popular Bible Verses from ᔪᐊᓇᓯᐅᑉ ᐊᒡᓚᖏᑦ 15

Share

“ᐅᕙᖓ ᓇᐹᕐᑑᕗᖓ ᐸᐅᕐᖓᓕᒃᓴᖅ, ᐃᓕᑦᓯ ᐊᕙᓚᖓᔫᕗᓯ. ᐅᕙᓐᓃᑦᑐᖅ, ᐅᕙᖓᓗ ᑖᑦᓱᒪᓃᓪᓗᖓ, ᐸᐅᕐᖓᖃᕐᓂᐊᕐᐳᖅ ᐊᒥᓱᓂᒃ, ᐱᒋᓇᖓ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᖏᓐᓇᑦᓯ.

ᐃᓗᓐᓃᑦᓮᓐᓇᕆᑦᓯ, ᐅᕙᖓᓗ ᐃᓗᑦᓯᓐᓃᓪᓗᖓ. ᓲᕐᓗ ᓇᐹᕐᑐᑉ ᐊᕙᓚᖓᔪᐊ ᐃᒻᒥᓃᓐᓇᖅ ᐸᐅᕐᖓᖃᕈᓐᓇᖏᒻᒪᑦ, ᓇᐹᕐᑐᒦᒃᑯᓂ ᑭᓯᐊᓂ ᐱᕈᕐᑎᑦᓯᔪᓐᓇᕐᐳᖅ, ᑍᒤᒃᑭᕗᓯᑦᑕᐅᖅ ᐅᕙᓐᓃᓪᓗᓯ ᑭᓯᐊᓂ.

ᐅᕙᓐᓃᓐᖏᓇᕈᑦᓯ, ᐅᖃᐅᓯᒃᑲᓗ ᐃᓗᑦᓯᓐᓃᖏᓐᓇᕐᐸᑕ, ᐱᔪᒪᔭᑦᓯᓐᓂᒃ ᓱᓇᑐᐃᓐᓇᒥᒃ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ.

ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᕐᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᕐᑐᖁᓪᓗᓯ ᐸᐅᕐᖓᖃᕐᓂᓯ ᑲᔪᓯᖁᓪᓗᒍ; ᓱᓇᑐᐃᓐᓇᕐᒥᒃ ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᐊᑎᓐᓂ, ᑐᓂᓯᓂᐊᕐᐳᖅ ᐃᓕᑦᓯᓐᓄᑦ.

ᓇᒡᓕᒍᓱᖕᓂᕐᓴᐅᔪᖃᓐᖏᓚᖅ ᐃᒤᑦᑐᒥᒃ, ᐃᓅᓯᕐᒥᓂᒃ ᑐᓂᓯᔪᒥᒃ ᐃᓚᓐᓇᕆᔭᓂ ᐱᓪᓗᒋᑦ.

ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᓂᐊᕐᐰᑦ, ᐸᐅᕐᖓᖃᖃᑦᑕᕐᑐᓕᒫᓪᓗ ᓴᓗᒻᒪᕐᓴᕐᓗᖏᑦ ᐲᔧᕕᒋᓂᐊᕐᐰᑦ, ᓴᓗᒪᑦᓯᐊᕐᓗᑎᒃ ᐸᐅᕐᖓᓂᑦ ᐱᕈᕐᕕᐅᒃᑲᓐᓂᖁᓪᓗᒋᑦ.

ᐅᓇ ᑕᕝᕙ ᐱᖁᔭᕋ, ᓇᒡᓕᒋᖃᑦᑕᐅᑎᖁᓪᓗᓯ ᓲᕐᓗ ᓇᒡᓕᒋᒐᑦᓯ.

ᑕᒪᒃᑯᑎᒎᓇᖅ ᐊᑖᑕᒐ ᓂᕐᑐᕐᓇᕐᑎᑕᐅᓂᐊᕐᐳᖅ, ᐸᐅᕐᖓᖃᓕᕈᑦᓯ ᐊᒥᓱᓂᒃ; ᐃᓕᓐᓂᐊᕐᑎᐅᓂᓯᓗ ᐅᕙᓐᓄᑦ ᓇᓗᓁᕐᓗᓂ.

“ᐅᕙᖓ ᓱᓕᔪᒥᒃ ᓇᐹᕐᑑᕗᖓ ᐅᐂᓂᒃᓴᓕᒃ, ᐊᑖᑕᒐᓗ ᐸᐅᕐᖓᓕᒃᓴᓂᒃ ᐱᕈᕐᓰᕕᓕᕆᔨᐅᕗᖅ.

ᐅᕙᓐᓃᖏᓐᓇᖏᑦᑐᖅ, ᐃᒋᑕᐅᓂᐊᕐᐳᖅ ᓇᐹᕐᑑᑉ ᐊᕙᓚᖓᔪᖏᑎᑐᑦ ᐸᓂᕐᑐᑎᑐᑦ; ᐊᕙᓚᖓᔪᑦ ᑲᑎᑕᐅᓪᓗᑎᒃ, ᐃᒋᑕᐅᕙᖕᒪᑕ ᐃᑯᒪᒧᑦ, ᐃᑯᐊᓪᓚᒃᑕᐅᓪᓗᑎᒃ.

“ᑕᒪᒃᑯᓂᖓ ᐅᖃᕐᕕᒋᕙᑦᓯ, ᖁᕕᐊᓱᖕᓂᕋ ᐃᓕᑦᓯᓐᓃᖁᓪᓗᒍ, ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.

ᐱᖁᔭᒃᑲ ᒪᓕᒃᑯᑦᓯᒋᑦ, ᓇᒡᓕᓐᓂᓐᓃᑦᓮᓐᓇᕐᓂᐊᕐᐳᓯ; ᐊᑖᑕᒪᑦᑕᐅᖅ ᐱᖁᔭᖏᑦ ᒪᓕᓚᐅᕋᒃᑭᑦ, ᓇᒡᓕᖕᓂᖓᓃᑦᓮᓐᓇᕐᓗᖓᓗ.

ᒪᑐᒥᖓ ᐱᖁᕙᑦᓯ, ᓇᒡᓕᒋᖃᑦᑕᐅᑎᖁᓪᓗᓯ.”

ᓯᓚᕐᔪᐊᕐᒥᐅᑕᐅᖏᓐᓇᑦᓯ, ᓯᓚᕐᔪᐊᕐᒥᐅᑦ ᓇᖕᒥᓂᕐᒥᖕᓂᒃ ᓇᒡᓕᒍᓱᒃᑲᔭᕐᐳᑦ; ᓯᓚᕐᔪᐊᕐᒥᐅᓪᓕ ᐃᓚᒋᖏᓐᓇᑦᓯᒋᒃ, ᓯᓚᕐᔪᐊᕐᒥᐅᓂᑦ ᓂᕈᐊᓚᐅᕐᐸᑦᓯ, ᑍᒤᒻᒪᑦ ᓯᓚᕐᔪᐊᕐᒥᐅᑦ ᐆᒥᒋᕚᓯ.