Popular Bible Verses from ᐃᐱᓯᒥᐅᓄᑦ 4

Share

ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᖕᒪᓯ ᙭ᔅᑑᓯᒃᑯᑦ.

ᑍᒪᓐᖓᑦ ᒥᑭᓕᑎᖅᓯᒪᓗᓯ ᐱᐅᔪᕆᖏᓪᓗᓯᓗ, ᕿᓄᐃᓵᕐᓗᓯ, ᐃᓕᑦᓯᓐᓄᑦ ᐊᑐᓂᑦ ᓇᒡᓕᖕᓂᕐᖕᒥᒃ ᓴᖅᑭᑎᑦᓯᒋᑦᓯ ᐃᑲᔪᖅᑎᒌᖕᓂᒃᑯᑦ

ᐅᖃᐅᓯᕐᓘᑎᓂᒃ ᐋᓐᓂᕐᖕᓇᖅᑐᓂᒃ ᐅᖃᖃᑦᑕᕈᓁᕆᑦᓯ, ᐃᑲᔪᖅᑐᓂᒡᓕ ᐱᕙᓪᓕᕐᖕᓇᖅᑐᓂᒃ ᐅᖃᖔᖃᑦᑕᓕᕆᑦᓯ, ᐱᐅᔪᓂᒃ ᐋᖅᑭᒃᓲᑎᒃᓴᓂᒃ ᐱᔭᕆᐊᓕᖕᓂᒡᓗ ᐱᕙᓪᓕᖅᑎᑦᓯᔪᓐᓇᖅᑐᓂᒃ, ᐅᖃᐅᓯᕆᔭᓯ ᐱᕙᓪᓕᕈᑎᒃᓴᐅᖁᓪᓗᒋᑦ ᑐᓵᔪᓄᑦ.

ᒪᒃᑯᐊ ᑕᒪᕐᖕᒥᒃ ᐊᑐᕈᓐᓁᖅᓯᒋᒃ ᐅᒋᐊᓐᖑᓂᖅ, ᓂᓐᖓᕕᒡᔪᐊᕐᖕᓂᖅ, ᓂᓐᖓᖕᓂᖅ, ᕾᒐᓛᖃᑦᑕᐅᑎᓂᖅ ᒥᑕᐅᑎᖃᕐᖕᓂᕐᓗ, ᖃᓄᑐᐃᓐᓇᕐᓗ ᐆᒥᓲᑎᓃᑦ ᑕᒪᕐᖕᒥᒃ.

ᓂᓐᖓᒃᑯᑦᓯ ᓂᓐᖓᖕᓂᑦᓯᓐᓄᑦ ᐊᔪᖅᑐᓕᑎᑕᐅᓂᐊᕋᓯ; ᓯᕿᓂᖅ ᓂᐱᑦᓯᐊᕆᓗᒍ ᓂᓐᖓᐅᒪᓂᐊᕋᓯ. ᓵᑖᓇᓯᓗ ᐱᕕᒃᓴᖃᓕᖅᑎᓐᓂᐊᕐᖕᓇᒍ.

ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᖅᓯᐅᒃ ᐃᓕᖅᑯᓯᕐᓘᑎᐅᕙᓚᐅᖅᑐᑦ ᐊᓚᕐᓗᒋᑦ, ᐃᒃᓯᒎᕐᖕᓂᕐᖕᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᖕᓇᖅᑐᒧᑦ. ᐃᓱᒪᓯᓗ ᓄᑖᓐᖑᖅᑎᑕᐅᔪᒃᓴᐅᕗᑦ ᐊᓂᕐᖕᓂᕐᖕᒥ, ᐃᓅᓯᖅ ᓄᑖᖅ ᐊᑎᓕᖅᓯᐅᒃ, ᐱᓐᖑᖅᑎᑕᐅᓯᒪᔪᖅ ᒎᑎᒧᑦ ᐊᑦᔨᐅᖁᓪᓗᒍ ᓴᖅᑭᑎᑦᓯᓗᓂᓗ ᐃᓅᓯᕐᖕᒥᒃ ᓱᓕᔪᒥᒃ ᐋᖅᑭᑦᓯᐊᖅᓯᒪᔪᒥᒃ ᐃᑦᔪᕐᖕᓁᑦᑐᒥᒡᓗ.

ᐊᔪᐃᓐᓈᕆᓗᒍ ᐱᓇᓱᐊᖅᓯᐅᒃ ᐊᑕᐅᓯᐅᖃᑎᒌᑦᓯᐊᕐᖕᓂᖅ ᐊᓂᕐᖕᓂᒃᑯᑦ ᐱᓇᓱᐊᕐᓗᒍ ᑖᓐᓇ ᑲᑎᓐᖓᑦᓯᐊᕐᖕᓂᐅᑉ ᕿᓚᒃᓯᒪᐅᑎᒋᖕᒪᒍ.

ᑖᑦᓱᒪᓗ ᑐᓂᕐᕈᓯᐊᖅᑎᓚᐅᖅᐰᑦ ᐃᓚᖏᑦ ᐋᐴᓯᑕᓕᓐᖑᖅᑎᓪᓗᒋᑦ, ᐃᓚᖏᑦ ᓇᓚᐅᑦᑍᔪᓐᖑᖅᑎᓪᓗᒋᑦ, ᐃᓚᖏᑦ ᓵᒋᐊᖅᑎᑦᓯᔨᓐᖑᖅᑎᓪᓗᒋᑦ, ᐃᓚᖏᑦ ᐅᒃᐱᖅᑐᓄᑦ ᑕᓯᐅᖅᑎᓐᖑᖅᑎᓚᐅᖅᐰᑦ ᐊᔪᕆᖅᑐᐃᔨᓐᖑᖅᑎᓪᓗᒋᓪᓗ. ᐃᑦᔪᕐᖕᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᖅᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ. ᑕᒪᑦᑕ ᑎᑭᐅᑎᓚᐅᖏᓐᓂᑦᑎᓐᓂ ᐅᒃᐱᕐᖕᓂᑯᑦ ᐊᑕᐅᓯᐅᓕᖅᑲᖓᔪᒧᑦ ᖃᐅᔨᓂᕐᖕᒧᓪᓗ ᒎᑎᐅᑉ ᐃᕐᖕᓂᖓᓂᒃ, ᐅᒃᐱᕐᖕᓂᕐᖕᒥ ᐱᕈᕇᑦᓯᐊᕐᖕᓂᕐᖕᒧᑦ ᑎᑭᐅᑎᖁᓪᓗᑕ, ᙭ᔅᑑᓯᐅᑉ ᐃᓅᓯᖓᑕ ᓱᓇᒥᑦᓯᐊᕐᖕᓂᖓ ᐊᒡᓛᑦ ᓇᓪᓕᕈᓐᓇᖅᓯᓗᒍ

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᖕᓂᖓᓂᒃ ᒪᓕᑐᐃᓐᓇᖅᑐᑎᑐᑦ, ᑕᕝᕙ ᐊᔪᕆᖅᑑᓯᕐᖕᓄᑦ ᓯᓔᕐᕆᒃᓯᔪᓄᑦ, ᑕᒻᒪᖅᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᖅᑐᓄᑦ. ᐅᕙᒍᓪᓕ ᓱᓕᔪᒥᒃ ᐅᖃᓪᓚᒃᑐᒃᓴᐅᕗᒍᑦ ᓇᒡᓕᖕᓂᒃᑯᑦ, ᐱᕈᖅᐸᓪᓕᐊᔪᒃᓴᐅᒐᑦᑕ ᑕᒤᑦᑎᒍᑦ ᙭ᔅᑑᓯᒧᑦ, ᑕᕝᕙ ᓂᐊᖂᔪᒧᑦ.