Popular Bible Verses from 1 John 1

Share

Mazan wakowaadan an waꞌoian Tominkaru ati, umainaabatan nii waꞌoian kida, naꞌiki usoꞌotan nii waꞌai ipai washaꞌapatanii kida oiaꞌo. Ushaꞌapatan nii aimaakan sakitapa naꞌapa pakian kawanaꞌati.

Mazan wamashaapan an kanadaꞌo-karuꞌu, naꞌapa Tominkaru mashaapan kawan kanadaꞌo-karuꞌu, uruu mishiꞌo paꞌan wanyukunuu naꞌapa kidaakan wamin-mishidannao tuma. Naꞌiki uDani Jesus izain chikaa ipai daunuudaꞌu waꞌoian.

Aizii wakian an, “Aonaa oiaꞌo mani õgaru,” wamariidapan karikaonan wanyukunuu wuruꞌu, naꞌiki aonaa wataapan mishiꞌo kuwai.

Aizii kaikapaꞌo wuruꞌu kuwai waabataniaz Christ diꞌiki, naꞌiki uruu wuruꞌu wakowaadaniaz uꞌati: Tominkaru, uruu kanadaꞌo, aonaa marutaꞌo nii uꞌidaꞌa. Ukauꞌan, wakian an, “Õgaru, naꞌapaꞌo õnyukunuu Tominkaru tuma,” mazan wamashaapan an pakawan zii marutaꞌo-karuꞌu, wamariidinan karikaonan wuruꞌu. Aonaa wamashaapan mishiꞌo kuwai kawanaꞌati.

Ukauꞌan wakian an, “Aonaa õshaꞌapatan oiaꞌo,” wadakotan Tominkaru mariidinauzonii wuruꞌu, naꞌiki aonaa uparadan nii wanyukunuu ii.