Popular Bible Verses from ULUKASI 8

Share

Yeke labo abasequlwanini evundileko ngilabo abathi nabezwa ilizwi balibulunge ngeenhliziyo ezithembekileko nezihle, bese bathela isithelo ngokubekezela.”

Abasemeveni ngilabo abezwako kodwana nabalokhu bakhamba endleleni baminyaniswe matshwenyekwabo, umnotho kanye nobumnandi bepilo, bese bangatheli iinthelo ezivuthiweko.

Abasekhetheni ngilabo abathi nabezwa ilizwi balamukele ngethabo, kodwana banganayo imirabhu. Bayakholwa kwesikhatjhana, kodwana nakufika isikhathi sokulingwa bawe.

Yeke wathi ebafundini bakhe: “Kuphi ukukholwa kwenu na?” Besaba, barareka bebabuzana bodwa bathi: “Kanti ngubani umuntu lo okghona ukukhalimela imimoya namaza kumlalele na?”

Abasendleleni ngilabo abezwako, bese uSathana uyeza afese ahlwithe ilizwi eenhliziyweni zabo ukuze bangakholwa bese basindiswe.

“Ngambala akunanto efihliweko engeze yavezwa emtarini, godu akunanto esitheziweko engeze yaziwa namkha yembulwa.

Kwathi lokha umfazi lo nabona bonyana angeze akwazi ukuzifihla, weza athuthumela wafese waguqa phambi kwakaJesu. Phambi kwabo boke abantu, wazihlambulula bonyana kubayini amkghwathile nokobana uphole njani khonokho. UJesu wathi kuye: “Ndodakazi, ukukholwa kwakho kukusindisile. Khamba ngokuthula.”

Abafundi baya kuye bamvusa bathi kuye: “Kosi, Kosi! Safa!” UJesu wavuka, wakhalimela isiwuruwuru kanye namaza agubhuzelako, khonapho isiwuruwurweso sathula, kwathi du.