Popular Bible Verses from ULUKASI 14

Share

“Nanyana ngubani oza kimi kodwana angazondi uyise nonina, umkakhe nabantwana, abafowabo nabodadwabo, ngitjho nepilwakhe, angeze aba mfundi wami.

Nanyana ngubani ongatjathi isiphambano sakhe angilandele, angekhe aba mfundi wami.

Ngambala woke oziphakamisako uzakuthotjiswa naloyo ozithobako uzakuphakanyiswa.”

Ngokunjalo-ke, nanyana ngubani wenu ongatjhiyi koke anakho angeze aba mfundi wami.”

“Akhe sithi omunye wenu ufuna ukwakha umtlomogo. Akazokuhlala phasi ntange alinganise iindleko ukuze abone bonyana unemali eyaneleko yokuwakha bewuphele na? Ngambala nakube ubeka isisekelo kodwana angasakghona ukuqedelela, boke abakubonako lokho bazamphoqa bathi, ‘Umrhali lo uthome ukwakha, kodwana wangakghona ukuqeda!’

Kodwana nawenza umnyanya, mema abadududu, abarholopheleko, abangakwazi ukukhamba neemphofu, khona-ke uzakubusiswa. Nanyana bangekhe bakuvuze, uzakuvuzwa ekuvusweni kwabalungileko.”

“Itswayi lilungile, kodwana nasele liqwatjhile, lingavuselelwa njani na? Alikalungeli iqulwani ngitjho nanyana kungaba msuqwa, liyalahlwa. Oneendlebe zokuzwa akezwe.”