Popular Bible Verses from UGENESISI 17

Share

Kuthe u-Abramu naneminyaka ematjhumi alithoba nethoba, uSomnini wabonakala kuye wathi: “NginguZimu oSabekako, nawukhamba nami uzakuba msulwa.

Ibizo lakho angekhe lisaba ngu-Abramu, kodwana lizakuba ngu-Abrahamu ngombana ngizakwenza ube nguyise wezizwe ezinengi.

“Ngizakujamisa isivumelwano phakathi kwami nawe kanye neenzukulwana zakho ngokungapheliko. Kuzakuba sivumelwano sanini nanini: Ngibe nguZimakho noZimu weenzukulwana zakho emva kwakho.

“Isithembiso sami kuwe siqinile: Uzakuba nguyise wezizwe ezinengi.

Kodwana uZimu wathi: “Awa! Umkakho uSara uzakukubelethela indodana. Ithiye ibizo bona ngu-Isaka. Ngizakujamisa isivumelwano sami naye sibe ngesanini nanini, kanye neenzukulwaneni zakhe emva kwakhe.

Yoke inarha yeKanana okhonze kiyo le, ngizayipha wena neenzukulwana zakho eziza emva kwakho ibe lilifa lakho neenzukulwana zakho unomphela bengibe nguZimazo.”

Yeke u-Abrahamu wahloma ihloko phasi kodwana wahleka ngombana wadlumbana wathi: “Ha! Indoda ibe nomntwana sele ineminyaka elikhulu? NoSara abe nomntwana asele aneminyaka ematjhumi alithoba?”

UZimu wathi ku-Abrahamu: “Ungasabizi umkakho bona nguSarayi; ukusukela namhlanjesi umbize bona nguSara.

Nizakusoka ijwabu lakhe, lokhu kube litshwayo lesivumelwano phakathi kwami nani.

Kodwana ngizakuqinisa isivumelwano sami nendodanakho u-Isaka ozakubelethwa nguSara ngesikhathesi umnyaka ozako.”

Eenzukulwaneni zakho ezizako, kuzakufanela bona nisoke woke omduna onamalanga abunane. Labo abangasizo iinzukulwana zakho, okutjho amakhoboka abelethelwe emzinakho namkha athengwe kebakosozizwe, nabo kufuze basokwe. Iye, ababelethwe endlinakho namkha obathenge ngemalakho kufuze nakanjani basokwe. Nje-ke isivumelwanesi sizakuba litshwayo elisemzimbenenu nini nanini.