Popular Bible Verses from 1 UTHIMOTHI 6

Share

Yilwa ukulwa okuhle kokukholwa, ubambelele ekuphileni okungapheliko owabizelwa kikho nowenza ngakho isivumo esihle phambi kwabofakazi abanengi.

Ngombana ukuthanda imali kumrabhu wakho koke okumbi. Abanye ngokulangazela ukunjinga bahlubuke ekukholweni bebazihlaba ngeenhlungu ezinengi.

Ije vele, ukumesaba uZimu nokwaneliswa kuyinzuzo ekulu

ngombana seza ephasinapha singanalitho, kusebaleni bona sizakugoduka singanalitho godu.

Bayale abanothileko esikhathini sanamhlanje bonyana bangazikhukhumezi namkha bathembele emnothweni ophelako, kodwana kuZimu osinjingisa ngakho koke bona sithokoze ngakho.

Abathanda ukunjinga bawela ekulingweni begodu balutheka ngeenkanuko ezinobudlhadlha nezilimazako, ezidosela abantu ekonakalisweni nekubhujisweni.

Bayale benze okuhle, banothe ngemisebenzi emihle; baphane babele abanye. Ngalokho bazabe bazibulungela umnotho osisekelo sangomuso ukuze babambelele ekuphileni ekungikho.