Popular Bible Verses from Gōsə̄ najə̄ gə̄ 6

Share

Yá̰á̰ kə́ mehḛ́ gə̄ ń Kɔ́ɔ̄ɓē gḛy aĺ ngá̰ý al̄ naā ō, kə́ sīrí gə̄ ń gḛy ka̰a̰ ta kumən tə́ aĺ ō ní n toó: I kum de kə́ nge ka̰a̰ loo kə kɔjə rɔ̄ɔ́ ō, i ta ndo̰ nge kəda najə̄ kə́ sor̄ ō, i jī nge ɓōkə́ mósə de kə́ najə̄ gətóo dɔn tə́ nang tə́ ō, i dan wur de kə́ nge gír̄ rāā yá̰á̰ kə́ gōtə́ aĺ gə̄ ō, i nja nge ka̰ȳ ngɔ̄də̄ kaw̄ rāā yá̰á̰ kə́ majaĺ tə́ ō, i de kə́ kum yá̰á̰ tə́ kə́ rɔ̄kum aĺ kə́ nge kəda najə̄ kə́ sor̄ ō. Tá kə́ nge ko̰ sīrí i noó ɓáý: I nge rāā kadə̄ ngákó̰o̰ naā gə̄ kɔ̄lə̄n̄ naā ō.

Ḭ̄ de kə́ nge yay, āw̄ á̰a̰ loo rāā ń kó nar a rāā kəla ní. Ə̄ndā ma̰ȳ háĺən ba ún kum kedə̄ kógə̄ḿ tū tə́.

Ī-gḛy ɓīī sḛ́ý ō, ī-gḛy tún̄ ɓīī sḛ́ý ō, ī-gḛy to nang tə́ ndájə̄ rɔ̄í sḛ́ý ō, ī-gḛy kán̄ jīí kem naā tə́ ō. Loo ń noō tə́ ndoō a əhɔī dɔ jīí tə́, tītə̄ de kə́ nge dáȳ dɔɔ́ ō, ndoō kə́ ngá̰ý al̄ naā a əhɔī dɔ jīí tə́ tītə̄ nge ɓogə ō.

Ngōnə̄ḿ, yá̰a̰ gə̄ ń bɔbí ədaī kadə̄ ī-rāā ní ī-ra dɔ tə́ ō, ī-lōō mbātə́ kɔjə̄ yā kó̰ó̰í ō. Ī-ngɔ̄m̄də́ kemií tə́ kə dɔ ndɔ̄ gə̄, ə̄nīdə́ kɔ́ɔ́í tə́.