Popular Bible Verses from Najə̄ kə́ Majə yā Jeju ń Matiye ndang ní 19

Share

Jeju əndā kumən dɔdə́ tə́ a̰a̰də́ ba ədadə́ na: A dum̄ de gə̄, banī yá̰á̰ kə́ dum̄ Nə́ɓā gətóo.

Loo ń noō tə́ nin̄ i jōó to̰ alé, banī nin̄ i de kə́ kógə̄ḿ beé. Ní, yá̰á̰ ń Nə́ɓā ɓoo naā tə́ ní kadə̄ deē gān̄gdə́ naā tə́ alé.

Anī Jeju tél ədadə́ na ké najə̄ ń ndangən̄ kem makətūbə̄ yā Nə́ɓā tə́ ní ké nin̄-tə́dan̄ aĺ wa. Ndangən̄ na ta kəla gíŕ tə́ ní, nge rāā de gə̄ rāādə́ i dəngam ō, dəyá̰ ō, ba əda na: I tām̄ najə̄ ń noō tə́ n de kə́ dəngam a əya̰ bɔbə̄n ō kó̰o̰n ō, ba a ndin̄ naā tə́ kə nə̄yá̰neé, kadə̄ nin̄ jōó télən̄ de kə́ kógə̄ḿ beé gə̄ ní.

Anī Jeju ədadə́ na kə əya̰n̄ ngáń kə́ dūú gə̄ kadə̄ reēn̄ kə̄ rɔ̄n tə́, ba kə lōōn̄ kɔ́gə̄də́ reē, tɔdɔ̄ i de kə́ tītə̄də́ beē gə̄ n Ɓē ko̰o̰ kə́ dɔ rā̰ tə́ i tām̄ yādə́ tə́ ní.

Banī ngá̰ý gə̄ dan ngé kə́ kété gə̄ tə́ a télən̄ ngé kə́ gogə́ gə̄ ō, ngá̰ý gə̄ dan ngé kə́ gogə́ gə̄ tə́ a télən̄ ngé kə́ kété gə̄ ō.

Tá deē ń a əya̰ kújə yān gə̄, aláa ngákó̰o̰n kə́ dəngam gə̄, aláa kə́ dəyá̰ gə̄, aláa bɔbə̄n, aláa kó̰o̰n, aláa ngánən gə̄, aláa ndɔr̄ yān gə̄ kɔ̄ɔ́ najə̄ yāḿ mā tə́ ní, kɔ́ɔ̄ a ənge tɔȳ ni ń noó nja ɓú ō, a ənge ndi kə kumuú kə́ ta ngóyn a gətóo ō.

Anī Jeju tél ədan na: Ré ī-gḛy kadə̄ ḭ̄ i de kə́ majə ɔtə̄ kə taá ɓáa, āw̄ ígə́ yá̰a̰ kənge yāí gə̄ malang ba ādə̄ ngé ndoō gə̄ narən. Loo ń noō tə́ ā ə́ngé yá̰á̰ ngá̰ý dɔ rā̰ tə́. Gō tə́ anī, ī-reē un gōḿ.

Anī Jeju ədan na: Ī-dəjem̄ najə̄ kə́ dɔ yá̰á̰ kə́ majə tə́ i tām̄ rí tə́? De kə́ majə i kógə̄ḿ beē ngóy. Adə̄ ré ī-gḛy kudə tū ndi kə kumuú tə́ ɓáa, ī-rāā gō míndə gə̄.

Ādə̄ m-ə́dásí najə̄ kə́ bo ngá̰ý kə́rēý ɓáý to̰: Kadə̄ jámbal mān̄ kum bəlo líbə́ri tə́ ní, i yá̰á̰ kə́ ngan̄g ɓá tā, ba kadə̄ de kə́ ənge yá̰á̰ ngá̰ý udə kem *Ɓē ko̰o̰ yā Nə́ɓā tə́ ní, i yá̰á̰ kə́ ngan̄g tɔȳn.

Ní, ādə̄ m-ə́dásí: Deē ń mbātə́ nə̄yá̰n ba taāń dəyá̰ kə́ rang kanjə̄ kadə̄ nə̄yá̰n ní sāā i dəngam loo kaya tə́ anī, ni-rāȳ i mbée.

Anī Jeju əda ngé ndóō yá̰a̰ yān gə̄ na: Ādə̄ m-ə́dásí najə̄ kə́ bo ngá̰ý, kudə kem Ɓē ko̰o̰ kə́ dɔ rā̰ tə́ i yá̰á̰ kə́ ngan̄g ngá̰ý tām̄ yā de kə́ ənge yá̰á̰ ngá̰ý tə́.