Popular Bible Verses from TA KƏLA 28

Share

Mā i naā tə́ seí. Loo malang ń ā āw̄ tū tə́ ní m-ā m̄-ngɔ̄mī ō, m-ā m̄-tél yā reē seí dɔ nang ń toō tə́ ō. M-ā m-ə́ya̰ī kɔ̄ɔ́ alé. M-ā m̄-rāā yá̰a̰ malang ń m-ə́daī ní.

Kɔ́ɔ̄ɓē ra non tə́ ədan na: Mā i Kɔ́ɔ̄ɓē Nə́ɓā yā kaaí Abəraham ō, Nə́ɓā yā Isaak ō. Dɔ nang ń ī-to tū tə́ toō m-ā m-ādə̄sí sḭḭ̄ kə ngání gə̄ ō, ngán kaaí gə̄ ō.

Jakob ndól̄ dɔ ɓīī tə́ anī əda na Kɔ́ɔ̄ɓē na i loo ní tə́ rɔ̄kum, ba na n-ger̄ kété alé.

Jakob ənī ndūn əda na: Ré Nə́ɓā i seḿ adə̄ ngɔ̄mə̄m̄ dɔ róbə mbā ń m-ā m-āw̄ tə́ toō ō, adə̄m̄ yá̰a̰ kəsa adə̄ m-ə́sa ō, adə̄m̄ kūbə̄ adə̄ m-ō̰ō̰ ō, adə̄ m̄-tél m̄-reē rɔ̄ bɔbə́ḿ tə́ kə lápə́yaá ō anī, Kɔ́ɔ̄ɓē a téĺ Nə́ɓā yāḿ. Mbal̄ ń m-údə kə nja kə́ dɔɔ́ m-ɔ̄rəń kamə̄n ní a téĺ kújə yā Nə́ɓā ō, m-ā m-ɔ̄r̄ yá̰á̰ kógə̄ḿ dan kə́ kutə tə́ tū yá̰a̰ malang ń ni-adə̄m̄ tə́ ní yā kadə̄n ō.

Kutə ngání gə̄ ō, ngán kaaí gə̄ ō, a to tītə̄ bumbə́rú kə́ dɔ nang tə́. Ā ɔ̄rī kem loo yāsí kə̄ gogə́ kum kə̄ no ɓē tə́ ō, dūn̄ ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō. M-ā m̄-rāā majə kə gír kojə kə́ dɔ nang tə́ gə̄ malang sɔɔ̄iń ḭ̄ ō, ngání gə̄ ō, ngán kaaí gə̄ ō.

Ni-əndā rī loo ní na i Betel, kumən na i kújə yā Nə́ɓā. Kété rī ɓē ní na i Lujə.