Popular Bible Verses from EPEJƏ 1

Share

Ādə̄ ni teē kumsí ādə̄ á̰a̰ī loo kə́ unjə̄ kow yān, yā kadə̄ ī-gerīneé yá̰á̰ ń ni ɓāŕsí kadə̄ ə̄ndāī kemsí dɔ tə́ ní ō, yā kadə̄ ī-gerīneé yá̰a̰ kənge kə́ to kɔsə gɔn yān ō, yá̰a̰ ndəbā ń ni-adə̄ ngé yān gə̄ ní ō, yā kadə̄ ī-gerīneé tɔ́gə́ kə́ ngá̰ý ń ni a rāań kəla tām̄ yājí jḭḭ̄ ngé taā kem gə̄ tə́ ní ō. I tɔ́gə ngeé ń toō n ni-ɔjə kə̄ ndágá dan ń ndóləń Jeju Kərist dan de kə́ koy gə̄ tə́, ba aw̄ń seneé aw̄ əndān dɔ jī ko̰n tə́ dɔ rā̰ tə́ ní. Ni-əndān dɔ ngé ko̰o̰ ɓē gə̄ tə́ ō, dɔ tɔ́gə gə̄ tə́ ō, dɔ kɔ́ɔ̄ ɓē gə̄ tə́ ō, dɔ rī gə̄ tə́ malang ō, adə̄ i rī gə̄ kə́ dɔ nang ń toō tə́ ō, kə́ dɔ nang kə́ kijə kə́ ndɔ̄ń tə́ tə́ ō.

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́. Sɔɔ̄ń táŕ kə́ kemən tə́ ní, nəkɔ́ əndā dɔjí danaá kété kadə̄ jə-téliī ngánən gə̄ kə ta kūl̄ Jeju Kərist. Ni-gḛy kadə̄ i tītə̄ ń noō, tɔdɔ̄ nelə̄n.

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.