Popular Bible Verses from Apukokinio 9

Share

Ituŋa ice kere da, lumam aponi koarai kotoma aiticaneta ŋun, mam apotu kitoronikinos kotoma aswamisio nuka akaninikec, ainyein aima ajokin, ka aputosia nuka esabu, ka epuesa, ka aikomon, ka amor, ka akito, numam epedorete aanyun, karaida aiirar, karaida alosit; ido mam apotu kitoronikinos kotoma aiarakec, karaida kotoma ocudetekec, karai da kotoma adoteukec, karaida kotoma akokokec.

Kolom emaase kapuru toma akwap, aponi koinakinai ŋes apolou, kwape ejaatar ikiritona luka akwap apolou. Aponi kolimokinai ŋes ebe mam emunaari anya nuka akwap, karaida ikiot kere yenepalal, karaida ekitoi kere, dimarai ituŋa bonik luemamei aipucet naka Edeke koreetakec

Kokut emalaika lokikanyet akerupepe, abu kaany da aacerit naebirun kakuj toma akwap, aponi koinakinai ŋes elacetait loka aipany naemamei enaŋeke.

aponi koinakinai ŋes aisirieb kes noi, ilapio ikany, kwabo mere aiar kes; korai aisiriebeke kwape aisirieb naka ekiriton naekonyia ituŋanan.

Kejai kes ekabakakec ŋes emalaika loka aipany naemamei enaŋe, ekekiror kAburanian Abadon, ka Ayonanin da ekekiror Apoluon.