Popular Bible Verses from Matayo 7

Share

“Kilipa, kiinakinio; komoata, idumunete; kikuŋukuŋoto, kiŋaikinio.

Naarai ŋin yenilipi ijaikinio; yenemoi edumuni; ka yenikuŋukuŋi da enaikinio.

“Aso ŋin yeniirari akakiro nu kiswama kes, ituputoorio ketuŋanan lokacoa, lokeduki eketogo atiida

Aso nuikotosi ituŋa aikonakin yes, kikonakis yesi da kes kwape kwaŋin: naarai ŋun kes ikisila ka inabin da.

Edidiŋ erut, eridid da erot loebei aijar, luedumunete da eraas luikidioko.

“Kolomasi aitor orute loedidiŋ; naarai elal erut, ipajajai da erot, loebei amudiario, luelomarete da kotomake eraas luipu.

Aso arai yes lukaronok ijenete ainakin ikusidwe ainakineta nuejok, mam kereka itelekarit noi Papakus loejai toma akuj ainakin ŋul Iuilipete ŋes iboro luejok?

“Siritubonokinete, yes da kinyeis atubokinio. Naarai etube loitubete, ŋopeŋol kitubokinere; ka aitemis naitemioto, ŋipeŋin kitemere yes da

Ŋin da yeniirari akakiro nu, komam iswamai, ituputoorio ketuŋanan lobaŋ, lokeduki eketogo asiŋe

Aso kanukinyo isesenia igugut yenejai akoŋu naka onacekon, komam ipodo akitoi naejai akoŋukon kilopet? Arai ilimokini biai onacekon ebe, ‘Kinyek kalem igugut yenejai akoŋukon’; ido koany, ejai akitoi akoŋukon kilopet?

“Kocoito inabin Iukeŋalak, lukiponikinete enapito inapen luka amerekekin, konye kotoma eraas ipeen luededeŋ. Ijenunete kes kakeceraito. Edeŋete kereka ituŋa imusabibun kokito luka ikukwa, arai bo itinin kokodokodo?

Kwape kwaŋin ŋolikitoi loejok erai araito nuejok; konye do ekitoi loerono erai araito nueroko.

Mam epedori ekitoi loejok aira araito nueroko, karaida ekitoi loerono aira araito nuejok.

Ŋolikitoi lomam erai araito nuejok ejepario, kocakakinai akim.