Popular Bible Verses from Iburanian 11

Share

Aiyuun ŋes apetetait naka akiro nuemunoi, aitogogoŋet naka akiro numam eanyuna. Naarai kotomakeŋ ŋes etejenunere imakio.

Konye neemamea aiyuun mam epedor aitelel ŋes. Naarai yenikunyakini Edeke ibusakinit aiyuun ebe ejai ŋesi, ido ebe eropi ŋul luemoete ŋes

Kanuka aiyuun kijen ebe kesubio akwapin kere kakirot naka Edeke, tetere mam iswamao nueanyuna kotoma kaŋun kanuetakanete.

Kanuka aiyuun abu Aburaam korimak nakenyaraunere alomar toma aibois naelosio ainakin araun airumet; abu koloma komam ejeŋi neelosi. Kanuka aiyuun abu kiboioror kakwap naka aisumunet, bala akwap namere nakeŋ, iboienenei koweman nepepe ka Isaak ka Yakob ikerumak lukaupake luka aisumunet ŋipeŋin.

Kanuka aiyuun abu Noa loekwenyarit Edeke kanuka akiro nukeroko etakanuna, koyoŋ ejok, kitemok ataker aitaiaria lukokaleke; kanuka gin kotubok akwapin aitelekario, koraun ekerunan loka adolit naejai toma aiyuun.

Kanuka aiyuun aponi koyaŋaarai Enok tetere mam eanyuni atwanare, ido mam abu kotakan, naarai abu Edeke koyaŋa ŋes. Naarai eriŋa eyanaara etejenikinitai ebe abu kitelel Edeke.

Kanuka aiyuun abu Abel koinak Edeke asubanit naitelekarit naka Kain kajokis, kanuka ŋin ŋes kitejenikinere araut loedolit, kitejen Edeke kanuka acamun ainakinetake, ido kanuka aiyuunike, karaida abu kotwana, konye eriŋa inera.

Kanuka aiyuun abu Sara alopet kodum apedor apotuun karaida kedepara ikaruke, naarai abu koomite ŋol loesumuni araut lomunot.

Naarai abu kidareunite ere loejaas apeteta, loapwakun Edeke loaduki da.

Kanuka aiyuun nakepoloor Musa, kogir anyarao okoku loka apese naka Parao, koseu aikonakinio erono nepepe kituŋa luka Edeke itia aitalakara kotoma aronis naka apak naedit. Koomite amorosit naka Kristo araut abar naepol itia iboro luka akais nuipu luko Misiri, naarai abu kosesen aropio. Kanuka aiyuun abu konyou ko Misiri, komam ekuriana adedeŋ naka ekabaka; naarai abu konirik bala eanyuni lomam etakani.

Kanuka aiyuun, abu Aburaam koinak Isaak, naetemere, ido loabu kodum aisumuneta kalakara etemokino ainakin okokuke loteluna

Kanuka aiyuun mam Rakab naadote emudiara nepepe ka lumam erimasi, naarai abu kisukunyik ikarotak kainapakin.

Kanuka aiyuun apotu kitoroto Aŋolol Nakareŋan bala akwap naconit; konye naketamakiniata Imisirian aitor nen, kolumosi.

Kanuka aiyuun kotiyaros arwatatin nuka Yeriko, nakedaunere airimor apaarasia akanykaarei.

Kanuka aiyuun abu koricite Aleleŋ ka aibwat aokot kinyek Ekamudiaran ikiyaik atiror kes.

Kanuka aiyuun keapu Yosep atwanare abu kiner nuka anyoun naka idwe luka Isirael, kicorak da nuka akojoke.

Kanuka aiyuun keapu Yakob atwanare, abu kilipak odwe luka Yosep kere iarei arereŋ, koma, kokukumi kakou naka ebelake.

Kanuka aiyuun abu Isaak kilipak Yakob ka Esau arereŋ kotoma akiro nuepote