Popular Bible Verses from Ipeson 2

Share

Naarai kirai oni akeswamisio, nuesubunitai kotoma Kristo Yesu aswam aswamisio nuejok nukegeunia Edeke aitemonokin tetere kilosenenei kotomakec.

Naarai asianut ŋes kitajari yes kanuka aiyuun; kwabo mam kebuni kamakus, ŋes ainakinet naka Edeke, mam kebuni kanuka aswamisio, kinyek ituŋanan kere aolobobotor.

Konye Edeke loebarit aitim, kanuka akemin naepol nakiminaar oni, nakitwakitor kanuka aibucanaretawok, abu kituluo oni ikajarak nepepe ka Kristo, (itajarunitai kanuka asianut,)

kitonyou oni nepepe kaŋes, kisiboik oni nepepe kaŋes aiboisio nuka akuj kotoma Kristo Yesu

Aso do mam bobo iraas Imo ka luiboiororos, konye iraas lukajen naka lukalaunak, ka lukokal da loka Edeke, naarai aponi kodukokin apetetait naka ikiyakia ka inabin, kerai Kristo Yesu elopet amor nakapolon naka agor