Popular Bible Verses from 2 Petero 2

Share

ejeni Ejakait ayuun lueyoŋito Edeke kotoma acodunio, ka aidar lumam edolito kiticanete kiton apaaran naka atubokinio

Naarai tiejok kamakec arai kemam kejenunito erot loka adolit, itia aboŋor kau ainyein aicorakinet nakalaunan naaponi koinakinai kes kedaut ajenun. Adoiki kes kwape ejaar awaragan nakabeit ebe, Eboŋori ekiŋok alekanake, ka apege da nailoŋoŋ eboŋori eipwok orit.

Isumunete kes aosikinio, kwabo eraas kesi ikulepek ibulesin luka amudiar; naarai ŋin yenipikori ituŋanan, eraun ŋesi ibulesit yenika ŋin.

Naarai nakedauniata aiku anyoun kotoma asilianut naka akwapin, toma ajenun cut Ejakait, ido Eketajaran Yesu Kristo, arai inyalinyalunos bobo kaŋin, kipikoroi, eraunos nukawasiakec nukaronok adepar nusodit.

Konye apotu kojaut inabin lukeŋalak kotoma otuŋa, kwape ejauniata ikesisianakinak lukeŋalak kotomakus, luitolomunete kaiyeiyea apaar naemudiari, ido koŋerito Lokapolon loagweli kes, iriunete bonik amudiar nakatipet.