Popular Bible Verses from Jan 15

Share

“Yang sika wain kiwka ba, bara man nani lika tnawa nani sma. Bara ani uplika yang wal asla ban ba, yang sin witin wal asla sna, bara baku lika witin ai mâ manis sakisa; baku bamna yang âpu kira man nani sip diara daukras.

Bamna yang wal asla ban banhwi bas, yang sin man nani wal asla ban sna ba baku. Tnawa kumi ai kiwka ra apia sa kaka, witin yakan sip ai mâ sakras sa; baha sim natka ra, man nani ba yang wal asla ban apia sma kaka, sip mâ sâkma apia.

“Man nani ba yang wal asla ban sma kaka, bara dîa mai smalkri ba sin âmya tikras sma kaka, dîa dîa want sma ba makas, bara maikan kabia.

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Latwan lâka kau tara upla briaia sip ba lika, ai uplika nani dukiara ai rayaka yabaia ba.

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Bamna naha sika yang lâika bîla ba: Man nani pana pana walkam ra latwan kaikma, yang mita man nani ra latwan mai kaikisna ba baku.

Bamna man nani mâ manis sakuma ba ra, Aisiki ba mayunra brisa, bara baha ba mita marikisma man nani ba kasak disaipilki nani sma.

Jisas kau aisin: “Yang sika wain kiwka rait pali ba, bara Aisiki ba sika baha mangki ba.

Bamna ani uplika yang wal ban asla apia ba, saki latara lulkan kabia, bara lâwbia sin dus tnawa kumi lâwan wahbi, pauta ra lulkan ami ba baku.

“Baku aisisna man nani ba yang wal lilia kama ba dukiara, bara lilia pali kama.

Man nani lâika bîla kat wali dauki kama kaka, yang laitwanka lâka ra sin ban kama, sim yang Aisiki lâka wali daukisna bara latwan ai kaiki ba kat ban sna ba baku.

Bamna naha lâka maikisna: Man nani pana pana walkam ra latwan kaiki kama.

Man nani ba naha tasba wina katma kaka, naha tasba wina uplika nani mita ai tahkia nani ra baku latwan mai kaikaia kan. Sakuna yang bui man nani ba naha tasba uplika nani tila ba wina bâk mai saki mai briri, bara baha mita sika naha tasba uplika nani mita misbara mai kaiki ba, kan nanara man nani lika naha tasba wina uplika apia sma.