Popular Bible Verses from 2 Korint 9

Share

Gâd sip sa man nani ra dîa dîa brin mai dauki ba purkara kau maikaia, bara baha purkara man nani dukiam kau manis pali bri kama bara wark yamni sât sât daukaia dukiara sin aitani kat.

Upla bani dîa yaia ai kupia ra lukan ba kat yaia sa; saura luki baku taiban lâka ni lika apia, kan Gâd mita latwan kaikisa liliakira ni yabi uplika ra.

Naha diara nani na kupiam krauki bas: Ya wiria mangki ba, wiria krikan kabia; bara ya ailal mangki ba, ailal krikan kabia.

Bara Gâd, witinka mita saumuk mangkaia bara plun saki piaia sin yabi ba, witin sin namsla ra dîa dîa mangkaia luha sma ba maikbia, bara sip sa yaka pain pâwaia, bara mâ sin manis maikaia warkkam yamni ba dukiara. Baku mika man nani kupiam pihni lâka ra diara manis yaia bri kama. Bamna yang nani mihtik, baha lalah sakan blikuma ba dukiara wan muihni nani Gâd ra tingki wibia.

¡Gâd ra tingki wip, kan witin diara uya tara pali wankan sa, sip aisi tnata alkaia apia praiska kat!