Popular Bible Verses from 1 Timoti 6

Share

Kasak lukan lâka aiklabanka yamni ba aiklabi bas, bara raya ban kaia lâka ba man dukiam brima; kan baha dukiara sika Gâd mai paiwan ba, man ba kasak lukan lâka tânka yamni ba witnis ailal mawanra latan aisaram.

Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.

Gâd ra luki kaia lâka ba mita upla ra yuyakira daukisa, sakuna uplika ba baha bri ba wal ai âuyapah sa kaka.

¿Yawan na naha tasba ra dîa bri balan ki? Diara kumi sin bri balras. Bara, ¿tasba wina yawan dîa brih waia sip sa ki? Diara kumi sin sip brih waras.

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

Sakuna yuyakira takan dauki nani ba, traika kaikan ra kauhisa, bara brinka karna taniskira ailal alki priski brisa; baha nani sika upla nani ra saura muni ba, bara sauhki tikaia lâka ra bara tanis tiwaia lâka ra sin rungkisa.

Witin nani ra smalki wis, diara pain ba daukbia, bara wark yamni nani mapara yuyakira taki kabia, bara wilin kabia dîa bri nani ba upla wala nani aikuki yui briaia. Baku lika witin nani ai kaina dukiara yuya nani suni bri kabia, sim walpa bapan kum baku. Bara witin nani sip kabia raya ban kaia bara kasakkira ba win takaia.