Popular Bible Verses from Mmaci ma Ibrahim 6

Share

Uzuwu wo okolo o ndolo u tu ugbamu o okolo a̱ tsu, cine rumu wantsun tsi isawaton wantsun uba̱ta̱ u ta̱. Vuma na ya̱ꞌa̱ yi ɗa tsaa zuwusa uzuwu wo okolo a̱ tsu a̱yi ɗa Yesu, za na uwulai nu umuna a̱ tyo Upasu u na u Laꞌai Akiza† zuva. U yuwaan tsu ta̱ ne. Wo oꞌwo ta̱ aabara a nan ganu a babu ukotu, ganu oroci a Malkisada.†

A̱sula̱ a̱ tsu geꞌeto ta̱ cine u tsu ntsaa. U ta cuwan na̱ linga na vu yuwain, waru u ta cuwan ni icigi i na vu roco niyi ana vu kambai ama a̱ yi. Waru u ta cuwan a na vu buwai a kambusa le hali n gogo.

Ili i re i nda i ri n vadala shi: A̱sula̱ a tsu yuwan epen shi nu u yuwan nzuwulai, waru waa yuwan epen na akucunu a na u yuwain shi. Ili i nda i ta̱ da̱shishi tsu okolo ugbamu a̱tsu na tsaa sumusa a̱ tyo uba̱ta̱ wa̱ A̱sula̱ adama u keɗe tsu. U ta̱ da̱shishi tsu ucira adama tsu guza̱ uzuwu wo okolo u na u ca ntsu.

O ufaru i rito ta̱ uritosu wu ufaru, aza a na a ntsayi iba̱ba̱. Ritosu n nda ele ɗa tsu vadalai a̱ nusu tsu na tsu ta̱wa̱a̱ nu ukwa̱, waru tsu da̱na̱i nu ucawu wo okolo e ekere a̱ A̱sula̱. Ele ɗa waru uritosu adama o urumbusu na̱ mazuwa me ekere. Nu uritosu adama o uꞌyosun diga o ukwa̱, na adama o ugeꞌetosu u babu ukotu, a̱ ta̱ pe a̱tsuma̱ o uritosu wu ufaru. Amma i reve ta̱ ɗe ili i ndolo. Adama o ndolo, tsaa yuwan adanshi adama e le shi. Amma na̱ A̱sula̱ a kamba tsu, tsu ta̱ ka̱mbuwa̱ ugbozu adama tsu rito ili i na yi ntsayi aza a na a kungwai ɗe.