Popular Bible Verses from မးသဲ 6

Share

မဲၤ​က​နဳၤ​ဒဳၣ်, ဝၢ်​လှဲး​အူ​ဆူး​ပီၢ်​က​ဘၱာ်​စဲာ် အ​ထံ​အ​က့ၤ​ကၱာ်​စ​တဲၤ တၱၢ် တဲၤ​မှး, ကၱာ်​သံ​က​နံၤ ဘဲာ်​ကိာ်​ကီ​တဲၤ​အ​ယဳၤ​လဳ​စါ​စဲး.

မဲၤ​က နဳၤ​ဒဳၣ်, ဘဲာ်​ၡဳ​အံာ်​မဲး​မီၤ​ဗ့​အ​နံၤ​ခံ​မဲး, မၱာ်​မီၤ​ဗ့​က​ဘဲာ်​ၡဳ​အံာ်​ဒီ​ဧဲၤ​အ​နံၤ​ခံ. ခိ​တ​နံၤ​အ​နံၤ​ခံ, ခိ​တ​နံၤ​အ​တဲၤ​ပၤ​တဲၤ​ဆဲ ဆိ​အံာ်​ဆဲး​အံာ်​ထဳ​တ​ပွဲး.

“​မဲၤ​က​နဳၤ​ဒဳၣ်, ယ​ဒီ​ဆး​သံ, သံ​တဲၤ အီၣ်​အ​နံၤ ခံ​ဘဲာ်​ၡဳ ဘဲာ်​မၤ​မဲး သံ​က​အၣ်​ဘဲာ်​အီ ဘဲာ်​တၤ​နဲၢ်​နဳၤ​မဲး, ကၱာ်​ဒီ​သံ​န့ၤ​ဘၱ​စဲာ်​အ​နံၤ​ခံ, သံ​က​ကိ​က​သီး​ဘဲာ်​တၤ​နဲၢ်​နဳၤ​မဲး​မဲး. က​တဲၤ​အီၣ်​တ​ဓဳၤ​ချဳ လံ​မဲၤ​တဲၤ​အၣ် တဲၤ​အီ​နီး​ဧါ. ကၱာ်​ဒီ​က​န့ၤ​ဘၱ​စဲာ် နဳၤ​တ​ဓဳၤ​ချဳ​လံ​ကၱာ်​တဲၤ​ကိ တဲၤ​သီး​နီး​ဧါ.

မၱာ်​နဲၤ​နဳၤ, ဘ့​န​သ​ဘဲ​ထာ်​နဳၤ, က့ၤ​နံၢ်​န​ရှံၣ်​ဒဳး​ပူၤ ကၱာ်​ဒီ​ကျဲၢ် ဘံာ်​ဝှါ​န​ခး​ကျဲၢ်, သ​ဘဲ​ထာ်​ဟူၣ်​ဇီၤ​ပီၢ် န​ပာ်, ကၱာ်​ဒီ​န​ပာ်​ထဲၢ် အ​စာ်​ထၱး တဲၤ​ဟူၣ် တဲၤ​ဇီၤ​အ​ကျဲ​တ​ပွဲၤ, က​အံာ်​က့ၤ​ကီ​န​ဆိး​န​လှဲ.

မဲၤ​က​နဳၤ​ဒဳၣ်, သံ​နဳၤ, သ​ဘဲ​ထာ်​ပီၢ်​က​ယဳၤ, အဳ​ဝၤ​ပာ် အ​အီၣ်​ဒဳ​မီၢ်​ခဳး, န​မံၤ​က​ဘဲာ် ဒီ​ပီၢ် ဧဲၤ​အ​စါ​ထံ​တ​ကၱာ်. န​ထံ​န​က့ၤ​က​ဓဳၤ​ဒီ​ပီၢ်​ဧဲၤ​တ​ကၱာ်. အ​စာ်​ဘိ တဲၤ​မဲၤ အ​န့ၤ​ထ့​န​သး​ဒဳ​မီၢ်​ခဳး​နဳၤ, တဲၤ​က​မဲၤ​ဒီ​ပီၢ်​ဧဲၤ အ​န့ၤ​ဒဳ​လၢ် ခဳး​အ​ခဳး ယဳၤ​တ​ကၱာ်.

ခဳ​နဳၤ တ​နံၤ​ခီၣ်​ဝဲၤ​အံာ်​လၤ​ပီၢ်​ဝၤ​တဲၤ​အၣ်​တ​ကဳာ် တ​ကၱာ်.

ကၱာ်​ဒီ​ဘါ​ပျဲး​ပီၢ်​ဝၤ​တဲၤ​က​မဲာ်, အ​စာ်​ဘိ​ဝၤ​ဘါ​ပျဲး ပၠၤ အ​မဲၤ​က​မဲာ်​ဝၤ​တ​စီာ် အ​ခီ​နဳၤ​တ​ကၱာ်.

ကၱာ်​ဒီ လ့ၤ​အံာ်​ဟူ မဲး​ဝၤ ဒဳ​တဲၤ​နှး​ကါ​အ​ကျဲ​မဲး. မၱာ်​မဲၤ​လှိ​ထာ်​ပီၢ်​ဝၤ​ဒဳ တဲၤ​ကၱ​ကဲာ်​အ​ကျဲ​နဳၤ​တ​ကၱာ်.

“​မၤ​နဲၢ်, ဘ့​သံ​ဘါ​ပျဲး​ပၠၤ​တ​စီာ်​အ​တဲၤ က​မဲး​နဳၤ, သံ​ပာ်​အ​အီၣ်​ဒဳ​မီၢ်​ခဳး​တ​ပွဲၤ မၱာ်​မၱာ် က​ဘါ ပျဲာ်​ကီ​သံ​တဲၤ​က​မဲာ်​တ​စီာ်​နဳၤ.

စာ်​ပီၢ်, ထဳၣ်​ဖဳး​ယဳၢ်​လံၤ​ဒဳ က​လံၤ​ကျဲ​နဳၤ, အ​တ​ပၢ်​ဘူၣ်​ခွံ​နီး, အ​တ​ကဲာ် ဘူၣ်​နီး​နီး, အ​တ​တီး​နံၢ်​က့ၤ​ဖါ​ပူၤ​နီး​နီး, ပ​ရၤ​ဆါ​သံ​ပာ်​အ​အီၣ် ဒဳ​မီၢ်​ခဳး​တ​ပွဲၤ ဘိၣ်​အၣ် တ​ပွဲး​စဲာ်. သံ​လံၢ်​သံ​ပွၱၤ​တ​ဓဳၤ​ချဳ​လံ​ပီၢ်​စဲာ်​တ​စီာ် အ​ဇၱၢ်​အ​ဇိၢ်​နီး​ဧါ.

“​လဲၢ်​တ​ထၱ​က့ၤ​မဲး သံ​နံၤ​ခံ​တဲၤ​လၱၢ်​ဓဳၤ ပွၱၤ​သဲ​ဒဳ​လၢ်​ခဳး, ထဲၢ်​ဒဳ​ထး​လး​အံာ် ကၱာ်​ဖဲ​ပူး​အၣ် လဳၢ်​ဇၤ, ကၱာ်​ဒဳ​ပၠၤ​အၣ်​ဟူၣ်​မဲၤ ကဲ​တဲၤ ဘး​ဖျီ​လ့ၤ နံၢ်​ဇၤ​အ​ပူၤ​အ​လ့ၤ​ယဳၤ​နဳၤ​မဲး. မၱာ်​လဲၢ် တ​ထၱ​က့ၤ​ပီၢ် သံ​နံၤ​ခံ တဲၤ​လံၢ်​ဓဳၤ​ပွၱၤ​သဲ​ဒဳ​မီၢ်​ခဳး, ထဲၢ်​ဒဳ​ထး​လး​အံာ်​မၱာ်​ဝၱၤ, ဖဲ​ပူး​မၱာ်​ဝၱၤ, တ​အၣ်​လဳၢ် ဇၤ​နီး, ကၱာ်​ဒဳ​ပၠၤ​အၣ်​ဟူၣ်​မဲၤ​ကဲ​တဲၤ တ​ဘး​ဖျီ ကၱာ်​လ့ၤ​နံၢ် ဇၤ​အ​ပူၤ​နီး​အ​လ့ၤ​နဳၤ. မၤ​နဲၢ်​က​ဒီၣ်​ဓဳၤ​ဒဳၣ်, ဘ့​န​တဲၤ​လံၢ်​ဓဳၤ​ပွၱၤ သဲ အီၣ်​အ​လ့ၤ​နဳၤ, န​သး​အီၣ်​ကိာ်​ကိာ်.

“​ပၠၤ​တ​ခး​ဇိၤ​ဇၤ အ​ဘၱာ်​စဲာ်​ကၠံၢ်​ပွဲၤ​နီး. မၤ​နဲၢ်​က​ဒီၣ်​ဓဳၤ​ဒဳၣ်, စ​က​ထဲး​ကဲ​ထဲး​အိး​တ​ပွဲၤ ကၱာ်​ဘဲာ်​လီၢ်​အ​လ​ဝ့ၤ​တ​ပွဲၤ, မၱ​တ​မၱာ်​နီး, စ​က​မဲၤ​ကိာ်​ကီ​တ​ပွဲၤ​အ​ကါ, ကၱာ်​ထဲး​ကဲ​ကီ​အ​လ​ဝ့ၤ​တ​ပွဲၤ. သံ​တ​ခး​ဇိၤ​ဇၤ က​ဘၱာ်​စဲာ်​ကၱာ်​မၤ​မိၣ် တ​ပျာ်​ခါ​လီၤ​နီး.

ကၱာ်​ဒီ​ပြး​ပူၤ​အ​မံၤ, ထဲၢ်​အ​အီၣ်​ခိ​တ​နံၤ ကၱာ်​မီၤ​ဗ့​တ​နံၤ​အ​ဘဲာ် ဝှ့​နံၢ် မှၱး အ​ပီၤ​ပူၤ​နဳၤ, က​ဘၱ​စဲာ်​က​ဒဳး​ကိ​ဒဳး​သီး​စဲာ်​ပွ့​က​နဳၤ​ဒဳၣ်, အဳ​သံ, အ​တဲၤ ဘူၣ်​ၡံး​ဖဳး​တ​စီာ်, ဒဳၣ်​လံ​ကၱာ်​အ​နဳၤ, စ​တ​ဒဳး​ကိ​ဒဳး​သီး​သံ​နီး​ဧါ.

ကၱာ်​ဒီ​ဘ့​န​အံာ်​က့ၤ စာ်​က့ၤ​ပၠၤ​နဳၤ, န​စူး​ခီး​အ​တ​ထွဲး မဲၤ တၤ​နဲၢ်​နူၤ, အံာ်​မဲး​န​စူး​ခီး​အ​တ​စၱး​သၱာ်​ဟဲ​ကိာ်​မဲး. စာ်​ဘိ​ထဲၢ်​န​တဲၤ​အံာ်​က့ၤ​စာ်​က့ၤ က​အီၣ်​ဟူၣ် အီၣ်​ဇီၤ​ပီၢ်​နဳၤ, ကၱာ်​ဒီ​န​ပာ် ထဲၢ်​အ​စာ် ထၱး​တဲၤ ဟူၣ်​တဲၤ​ဇီၤ​အ​ကျဲ​တ​ပွဲၤ​က​အံာ်​ကီ​န​ဆိး​န​လှဲ​နဳၤ.

“​ဆီး​အံာ်​ပီၢ်​သံ​န့ၤ​စာ်​ဘိ​ထဲၢ်​သံ​က​တ​မဲၤ​တဲၤ​ထဲၢ်​အ​ဘဲာ် အံာ်​လၤ​နံၤ​သံ​တ​စီာ်​ပၠၤ​အ​လှီ မီၢ်​ဒဳ​ပၠၤ​က​စာ်​ထၱး သံ​အဲ​အ​နံၤ​ခံ​နဳၤ​မဲး. သံ​က​မဲၤ မၤ​က​နဳၤ​ဒဳၣ်, သံ​က​တ​နံၤ​ဘဲာ်​တ​ပွဲး​သံ​ဆိး​သံ​လှဲ ဒဳ​ပာ်​အ​အီၣ်​မီၢ်​ခဳး​နဳၤ နီး.

“​ကၱာ်​ဒီ ဘ့​န​ဒူၣ်​တဲၤ​အၣ်​တဲၤ​အီ​နဳၤ, စာ် လၤ​သ​ယိး​မဲး အ​စာ်​ဘိ ပၠၤ​အ​တ​ပီး​ခဳး​တ​စီာ် မဲၤ​နဳၤ​မဲး. မၤ​နဲၢ်​က​ဒီၣ်​ဓဳၤ​ဒဳၣ်, စ​မဲၤ​သံ​ဝံၤ​စ​မူၢ် ကါ​ပူၤ, စာ်​ဘိ​ထဲၢ်​ပၠၤ​က​စာ်​ထၱး စ​ဒူၣ်​တဲၤ​အၣ် တဲၤ​အီ​နဳၤ. ယ​ဒီ​ဆး​သ့​ပွ့ၤ သံ, စ​နံၤ​ဘဲာ်​ထဳ​စ​ဆိး စ​လှဲ. မၱာ်​နဲၤ​နဳၤ, ဘ့​န​ဒူၣ်​တဲၤ​အၣ်​တဲၤ​အီ နူၤ, သ​ဖြိး​န​ကဳာ်​တဲၤ​နှူ​ဝံာ်​ကၱာ်​အူ​ပျၤ​န​မူၢ်​ကါ, စာ်​ဘိ​ထဲၢ်​ပၠၤ​က​တ​စာ်​ထၱး​န​ဒူၣ်​တဲၤ​အၣ် တဲၤ​အီ​နီး, မၱာ်​န​ပာ်​အ​အီၣ်​တဲၤ​ဟူၣ်​တဲၤ​ဇီၤ​တ​ပွဲၤ က​စာ်​ထၱး​သၱာ်​ဟဲ​ပီၢ်​လီၤ​နဳၤ, ကၱာ်​ဒီ​န​ပာ်​အ​စာ်​ထၱး တဲၤ​ဟူၣ်​တဲၤ​ဇီၤ​ကျဲ​တ​ပွဲၤ​က​အံာ်​က့ၤ​ကီ​န​ဆိး​န​လှဲ.