Popular Bible Verses from یوحنا 5

Share

حقیقتن، شِمَه نَه بَواتیم، هَر کسی که چِمِن کلامی دَرَسِه و بِه کسی که مِن ویسا آکَردَشَه ایمان بواَرِه، اَبَدی یَه زندگی هِستِشه و داوری نِبو، بَلکَم مرگی کا بِه زندگی منتقل بییَه.

وختی عیسی اَیی اوآ کا خِتَه ویندِشه و زونِستِشه که خَیلی وختَه که اوآکایَه، اَیی نَه واتِشه: «پیستِرَه شفا بِگِری؟»

شِمَه مقدّس نیویشته اون دِقّتی نَه بَررِسی بَکَردیرون چوم خَیال بَکَردیرون چَیی واسطه نَه اَبَدی یَه زندگی هِستِرونَه، با اِمکه هِم نیویشته اِن چِمِن درباره شهادتی بَداین. امّا حَلا نی نِپیستِرونَه بایَه چِمِن وَر تا زندگی بِه دَست بواَرَه.

عیسی اَیی نَه واتِشه: «پِرِز، اِشتِه جِگا پِگِه و راه دَلَک.» اَ مِرد هَ لحظه شفا گِتِشه و اِشتَن جِگا پِگِتِشه، راه دَلَکه. اَ روز، یهودییون مقدّس شنبه بَه.

بَس عیسی اَوون نَه واتِشه: «حقیقتن، شِمَه نَه بَواتیم، که زوعَه اِشتَن کا نیمَشا کاری بِکَرِه مَگم کارونی که بَویندی چَیی دَده بَکَردی؛ چوم هَر‌ چِه دَده بَکَردی، زوعَه نی هَتَه بَکَردی.