Popular Bible Verses from اِنجیلِ لوقا 23

Share

عیسی باَگوته: «اِی پیَر، ایشانهِ بِبَخش، چونکه نِدانَن چِی کانَن.» ایما سَربازان قُرعه تووادَن. تا اونه لِواسِ خودِشانِه میَن تَخسیم هَکونَن.

عیسی جَواب هَدَه: «راس راسی تِرِه گونَم، اِمروز می هَمرَه بِهشتی دِلِه دَرِی.»

ایما باَگوته: «اِی عیسی، وَختی تیِ پادشاهِی رِه بَرِسیَیی، مَرِه هم یاد بیار.»

ایما عیسی بُلَندِ صِدای هَمرَه داد بَکشیِه: «اِی پیَر، می روحِ تی دَست اِسِپاردِنَم.» اینه باَگوته و جان هَدَه.

وَختی به مَحلی که اونه اِسم جُلجُتا که اونه معنی کاسه یه سَر با بَرَسیِیَن، عیسی رِه اون دُتا جِنایتکارِ هَمرَه مَصلوب هَکُردَن، ایتا رِه اونه راسِ وَر و ایتا دیگَرِ اونه چَپِ وَر.

ساعت حدود دَوازدَهِ ظُهر با که تاریکی تمام اون سَرزَمینِ بِیته و تا ساعت سِه بعد از ظُهر اِدامِه داشتِه. چون خورشیدِ نور دِ نِتابِسِّه. همون موقه، مَعبَدِ پَردِه از وَسَط چاک بُخارده و دو تیکه هَبا.

سَربازانِ فَرماندِه وَختی این اتِّفاقِ بَدییَه، خُدا رِه شُکر هَکُردِه باَگوته: «راس راسی این مَردَای بیگناه با.»