Popular Bible Verses from MATIU 5

Share

E kore hoki e tahuna te rama, e whakatūria ki raro o te mēhua, engari, ki runga ki te tūranga; ā, ka tīaho ki ngā tāngata katoa i roto i te whare. Waihoki, kia tīaho tō koutou mārama ki te aroaro o ngā tāngata, kia kite ai rātou i ā koutou hanga pai, kia whakakorōria ai i tō koutou Matua i te rangi.”

“Ko koutou te whakamārama o te ao. E kore e ngaro te pā e tū ana i runga i te maunga.

Ka koa te hunga ngākau mā; e kite hoki rātou i te Atua.

Ka koa te hunga e hiakai ana, e hiainu ana, ki te tika; e mākona hoki rātou.

Nā, ko tāku kupu tēnei ki a koutou, Arohaina ō koutou hoa whawhai, manaakitia te hunga e kanga ana i a koutou, kia pai te mahi ki te hunga e kino ana ki a koutou, me īnoi hoki mō te hunga e whakawhiu ana i a koutou, e whakatoi ana i a koutou

“Ka koa te hunga he rawakore nei te wairua; nō rātou hoki te rangatiratanga o te rangi.

Ka koa te hunga hohou rongo; ka huaina hoki rātou he tamariki nā te Atua.

Ka koa te hunga e tangi ana; ka whakamārietia hoki rātou.

Ka koa te hunga e whakatoia ana mō te tika; nō rātou hoki te rangatiratanga o te rangi.

Ka koa te hunga tohu tangata; e tohungia hoki rātou.

“Ka koa koutou ina tāwai rātou i a koutou, ina whakatoi, ina puaki i a rātou ngā kupu kino katoa mō koutou, he mea teka, he whakaaro hoki ki ahau. Kia hari, kia whakamanamana; he rahi hoki te utu mō koutou i te rangi; he pēnei hoki tā rātou whakatoi i ngā poropiti i mua i a koutou.”

Ka koa te hunga ngākau māhaki; ka riro hoki i a rātou te whenua.

“Ko koutou te tote o te whenua; otirā, ki te hemo te hā o te tote, mā te aha e whai tikanga tote ai? Heoi anō tōna painga, nā, ka ākiritia ki waho, ka takahia e ngā tāngata.

Nā, kia tika koutou, kia pērā me tō koutou Matua i te rangi e tika ana.”

Erangi, ko tēnei hei kupu mā koutou, ‘Āe, āe’; ‘Kāhore, kāhore’; nō te mea ki te maha atu i ēnā, nō te kino.”

“Kua rongo koutou i kōrerotia, ‘He kanohi mō te kanohi, he niho mō te niho.’ Nā, ko tāku kupu tēnei ki a koutou, Kaua e whakauaua atu ki te kino; erangi, ki te pākia tōu pāpāringa matau e tētahi, whakaangahia atu hoki tērā ki a ia.

Ki te hē koe i tōu kanohi matau, tīkarohia, makā atu; he pai kē hoki ki a koe ki te ngaro tētahi wāhi ōu, ā, ka kore e makā tōu tinana katoa ki Kehena. Ki te hē anō hoki koe i tōu ringa matau, pōutoa, makā atu; he pai kē ki te mate tētahi wāhi ōu, ā, ka kore e makā tōu tinana katoa ki Kehena.”