Popular Bible Verses from LUKA 10

Share

Tu-in thei un. Gulpi le momaite na sik gawp nading uh le na galte uh na zawh nadingun note tungah vangliatna ka hong pia zo a, amaute in note bangmah hong cih zo lo ding uh hi.

Ahi zongin Topa in, “Martha, Martha aw, nang na lunghihmawhna tam hi. Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Amah in, “Na Topa Pasian na lungsim khempeuh, na nuntakna khempeuh, na hatna khempeuh le na pilna khempeuh tawh na it inla, nangmah na ki-it bangin na veengte na it in,” ci-in kigelh hi, ci-in a dawng hi.

Amaute kiangah, “Anlak ding tam mahmah a, ahi zongin mi tawm bek in anlak na sem uh hi. Tua ahih manin an nei pa in a ante a la dingin mi hong sawl nadingin thu ngen un.

Hih mihing thumte sung panin, a kisuam pa adingin a koi pen a veengpa hi dingin na um hiam?” a ci hi. Amah in, “A hehpih pa hi ding hi,” a ci hi. Tua ciangin Jesu in ama kiangah, “Nang zong pai inla, tua bangmahin gamta in,” a ci hi.

Note va kuan un. Ngia hon lakah tuuno khah bangin note ka hong sawl hi.