Popular Bible Verses from Luk 4

Share

"Allah Mabudor Ruh ãr uwore ase, kiyollahoile Allaye ãre ṭik goijje zene ãi gorib okkolor hãse kušir hóbor tobolig gori. Hibaye ãre bondi okkolor hãse azadir hota, anda okkolor hãse nozor danor hota gušona goribolla defeṛaiye. Zene zara zulum far hitarare ãi rehai gori fari. edde Mabudor rahamotor bosor elan gori."

Isaye zuwabe hitare diye: "Leka ase: 'Tũi tũwar Mabud Allare sojida goro, edde lehar hibare šeba goro.'"

Isaye hitare zuwabe hodde, "Iyan endilla leka ase: 'Manuš šude ruṭi loi no base.'"

Isa, Pak Ruhor šoktiye furaiya oiyore Zordanottu firi aišše edde he Pak Ruhor išaraye bošoti sara elehat sairi goijje

Kintu Isaye hitare zuwab diye, "Iyan endilla howa oiye: 'Tũi tũwar Allah Mabudore forikka no goijjo.'"

Šoitane hibare hár ḍoilla gori dúha diya šeš oi bade, toi hite olfo ṭaimolla hibar hãsottu dur oigiyegoi.

Tarfore Šoitane Isare ek usol faharor uwore loigiye edde ek sator butore duniyair hár raijjore dehaiye. Toi Šoitane Isare hodde, "Ãi tore ei hár odihar edde zak zomok diyum; kiyollahoile in ãre diya oiye, ar ãttu zare issa lage ãi hitare di. Hetolla tui zodi ãre sojida goros, toile in beggun tor oibo." Isaye zuwabe hitare diye: "Leka ase: 'Tũi tũwar Mabud Allare sojida goro, edde lehar hibare šeba goro.'"

Tarfore Šoitane Isare Zeruzalemor uwore loigiye edde dórmogóror tulir uwore tiya goraiyore hodde: "Tui zodi Allar Fut, toile enttu nise zaf mar. Kiyollahoile kitabot leka ase: "'Hibaye hibar firista okkolore tor babute hokum dibo, tore uddar goribolla. Hitara tore hatot gori tuli loibo, zene tor ṭengot fattoror ujaṭ no lage.'" Kintu Isaye hitare zuwab diye, "Iyan endilla howa oiye: 'Tũi tũwar Allah Mabudore forikka no goijjo.'"