Popular Bible Verses from Torah 11

Share

edde hodde, "So, itara beggun ek zati edde ek zubanot hota hoiya okkol, itara ei ham gora šuru goijje, bade zaiyore itara ze kissu goribolla ereda loibo, ošombob kissu no oibo. Hetolla aiyo, ãra nise zai hitarar zubanore gulmal goridigoi toi zene hitara ekzone ar oinno zonor hota buzi no fare."

Hitara aro hodde, "Aiyo, ãra ekkan ãralla šohor banai ar en ekkan usol gór banai ziyanor tuliye asman suibo, toi zene ãrar nam mošuhor o, edde ãrattu šara duniyait šiṛašitta oizagoi no fore!"

Etolla he zagar nam oiyede Babel, ziyanor mani gulmal, haron MABUDE šomosto duniyair zubanot gulmal bazaidiye. MABUDE manuš okkolore hentu duniyair hár mikka šiṛašitta gori diye.

Hẽttiyaror din okkolot šara duniyair mainše šude ek zubanot hota hoito edde hitarar baša aššilde o ek ḍoilla.

Tarfore manuš okkole ze šohor edde usol gór bainde, hiyan saibolla MABUD nise laimme

Tarfore MABUDE he zagattu hitarare duniyair hár mikka šiṛašitta gori diye. Henot hitarar šohor banaibar ham bondo oi giyegoi.