Popular Bible Verses from Lukasi 23

Share

Kanoꞌamba i Yesu mepau, “Uma, oninioto halaro, akono laro mentoꞌorio mbio henu winowauro.” Kanoꞌamba sorodadu laꞌira mpetia-tiaꞌo parewaNo i Yesu telalo ai loterei.

I Yesu motae ndi umono, “Kupauꞌakomu, menteꞌano olo nie iiko minggi meronga Iaku ai suruga.”

Kanoꞌamba nopotae, “O Yesu pewowoloꞌo akukaa tempono Ikomiu hawe gagi Datu.”

Kanoꞌamba i Yesu kumora, “O Uma, ai laro kaeMiu Kupeweangakeo penaoNggu!” UmariNo mepau menggena ulaꞌa, i Yesu maate.

Temporo mehawe ai poꞌianga henu ninee Takuꞌulu, lehea baꞌopioꞌiro sorodaduno to Roma potambaꞌo i Yesu meronga oruo mia henu mosaꞌa gauro laꞌa, aso mia ai kuanaNo ka aso mia ai manggaliNo.

Baraꞌura langku hopulo ka oruo tonga olo, mataꞌolo lano mewanta ka lowono poꞌianga lehea gagi worikidi hawe langku otolu wundu olo. Bana poꞌolosi henu mpihe nio ai Bolongko Mempori ai Raha Mempori teberi tepeꞌoruo.

Tempono kapala sorodadu sumueꞌo kegagia laꞌa, noꞌundeꞌiRo Ue Ala, nopotae, “Mentee suꞌu Mia nie lano tehala!”