Popular Bible Verses from Luke 10

Share

ငါကား ဟနိမ်တေ ကဖူးကန်းတေ၊ ကာန်းမြီးကောက်တေဒေ ဟယ်ပန်းကောင်ဘူရန်ကွန်းယောက် ဟနိမ်ရန်သူထှာဘင်း မာရ်နတ်တန်ခိုးတေဒေ နားရန်ကွန်း တန်ခိုးအာဏာတေဒေ အီပဲစီးဘန်းထှာမှာ။

အန်၌မှါခ့်ခါ ကိုယ်တော်ကား "မာသ၊ နာန်ကား အွန်တင်ကလောင်းတုံန်းအတွာတ် အဆင်တေရှုပ်သနင်းဒီဒါး အဟုတ်မလာပ် အွန်ထှာကူဘင်းနာကား စားနူ၌ငှါလား။ မာရိကား မဲဘင်းစားနူတေ မယ်စီးဘန်းဘင်းအတွာတ် အန်ဘင်းတေ ဟိန်ဟက် ဖယ်သလားအလူဘန်း" ညယ်မိန့်တော်မူသမှာ။

အန်ဘင်းဆိတ်ကား "နာန်ဘုရားရှာန်တေ လာန်၊ အဆင်၊ နှလုံးပါ ဆွန်းမျိုးစလုံးယောက် ကြည်ညိုသကြီးညယ် ရေးသပဲနိမ် ကိုယ်ကျေမ်းပိုက်တာတ်တေရီးဒါး ကိုယ်ကာတ်ကိုယ် မစ်နိမ်မစ်ကြီး" ညယ်ရေးသပဲမှာ" ညယ်ပြန်သဘန်း လျှောက်တာန်သကြီးမှာ။

ကိုယ်တော်ကား အန်တာတ်တေ "လပါးကွာမ်းဘေ ရှရှီတေကလောင်းတုံန်းငှါမှာ။ အန်နိမ်စါန်းငှေါဒီ ယာတ်ကူဘင်းသမီဆာကား အစစ်ဆာ၌ငှါလား။ အမှာတွာတ် လပါးကွာမ်းပါ အန်ယာတ်ကူဘင်းသမီဆာ ကလောင်းတုံန်းတာတ်အီယုတ်ညယ် လပါအဆိတ်ပေစိန်ကြီးမှာ။

စီးမှါခ့်ခါ ကိုယ်တော်‌ယေရှုကား "အန်ဘင်းသမီဆာဆွန်းဟူးဘေ ဓါးပြတိုက်ခံသထှာပန်း သာန်းခံသထှာဘင်းဆိတ် ကျေမ်းထာန်ကစက်ကား ဟာဟမဲကား" ညယ်စိန်ယူမှာ။ အန်၌မှါခ့်ခါ အန်ဘင်းကျမ်းကျိန်းပေါ့ပင်း အိုးဆကြီးကား "ကနာနင်းဘင်းဆိတ်စေါက်ပေ အစန်ဘန်း အွန်အီဘင်းဆိတ်ထှာမှာ" ညယ်ငှေါမှါခ့်ခါ ကိုယ်တော်ကား "နာန်ရီးဒါး အန်ဘင်းအတိုင်းအွန်" ညယ်မိန့်တော်မူသမှာ။

အရာတ်လာန်။ ငါ ဟနိမ်တေတာတ်ပင်းနာကား ဝံပုလွေအုပ်နောင်းပါ သိုးနနူတေဒေ တာတ်နာန်နိမ်ထှာမှာ။