သတီႇတေႃးသြႃႇမေႃးၵျၢမ်းထမ်မႃႉၵိူၺ်ဢႄး။ ၵိူဝ်ႇၼေတေႃႉၵရိူင်ၵပ်ဢၼ်ႁၼ်းၿၢႆးရႄ ၵိူဝ်း(လ်)ပႆးၵိူဝ်း(လ်)မႃးၿူဝ်ႇ၊ မၢင်ဢလူဝ်သုၼ်းဢႄးဢီႉတူဝ်းသူးဝမ်းၵိူဝ်ႇရႄ တၵ်ႇဢုပ်းၵိူဝ်ႇတုတိူဝ်ႇ(ရ်)လႃႇ(သျ်)ၵိူၺ်၊ ရႃႇ(သျ်)တီၵိူဝ်ၻေးၸၼ်းတရွင်တုၸရွပ်ရေႃးတြႃးၵိူၺ်ၿူဝ်ႇတင်တီၵိူဝ်ၻေးဢၼ်ရၵ်ႇဢၼ်ၵျႃႉတုပွႆးၵိူၺ်ဢေႃႈ။ ၵိူဝ်ႇၸၢင်ပႄသူးဝမ်းရိမ်းသူးဝမ်းၼႃၵၢင်ယႃႇၵိူဝ်မၢႆးၵိူၺ်ရႄ ၸၢင်ၸီႇရၢင်သူးတွင်းတင်မႂဵင်ရိူဝ်မႃဢၼ်ႁၼ်းၿၢႆးဢၼ်ၻီးဢေႃႈ။ ၵိူဝ်ႇဢၼ်ၻီးတႃႉၿၢႆးတေၿွၼ်းၶၢမ်တၢမ်ရိူင်ႇၻဵင်းၵွႆဢၼ်မေႃႇၿၢႆးဢေႃႈ ၻႃးၸိုၼ်ၼီဢေႃႈ။