Popular Bible Verses from Luke 12

Share

ယင်းဟာကြောင့် အချိန်မရွီး အဆင်သင့်ပြင်ထားပါ။ အဇာလို့ဆိုကေ လူ့သားတော်ဖြိုက်တဲ့ငါဟာ မတ်ရို့မျှော်လင့်မထားရေချိန်မှာ ပြန်လို့ကြွလာဖို့ကြောင့်ဖြိုက်တေ” လို့မိန့်တော်မူလိုက်တေ။

ယင်းဟာကြောင့် ဘုရားရှင်ရဲ့သာသနာတော်အတွက် မတ်ရို့ အဇာလုပ်ပီးနိုင်ဖို့ဆိုဟာကို အာရုံစိုက်ကတ်ပါ။ ယေမှရာ မတ်ရို့လိုအပ်တေ အရာတိမှန်သမျှကို ဘုရားရှင်ကဖြည်းဆည်းပီးတော်မူပါလိမ့်မယ်” လို့မိန့်တော်မူလိုက်တေ။

ယပြီးကေ ကိုယ်တော်က လူပရိတ်သတ်တိကို “အသင်ရို့ကိုယ်အသင်ရို့ လောဘမကြီးအောင် ရှောင်ကျဥ်ကတ်။ မတ်ရို့ရဲ့ ဘဝအဓိပ္ပါယ်က မတ်ရို့ဟာ ပစ္စည်းဥစ္စာကြွယ်ဝချမ်းသာနီကေလည်း ဘဝမာအမှန်တကယ် အရေးကြီးတဲ့အရာက ယင်းအရာတိမဟုတ်” လို့မိန့်ဆိုလိုက်တေ။

အဇာဖြိုက်လို့လဲဆိုကေ မတ်ရို့ရဲ့ဥစ္စာရတနာတိဟိရေနီရာမာ မတ်ရို့ရဲ့စိတ်နှလုံးဟာလည်း ရောက်နီတတ်လို့ဖြိုက်တေ” လို့မိန့်တော်မူရေ။

မတ်ရို့ထဲမာ အသူက စိုးရိမ်ပူပန်နီလို့ သူ့အသက် တစ်နာရီတောင်ပိုရှည်နိုင်ဖို့လို့လား။

ယပြီးကေ ကိုယ်တော်ယေရှုဟာ တပည့်တော်တိကို “ယင်းနဲ့ကြောင့် မတ်ရို့ကို ငါပြောချင်ဟာက၊ မတ်ရို့ရဲ့ဘဝ ရှင်သန်ရပ်တည်ဖို့အတွက် အဇာကိုစားရဖို့၊ အဇာကိုဝတ်ရဖို့ဆိုဟာကို မပူပင်ကတ်ကေ့။

မတ်ရို့ခေါင်းက ဆံပင်အရီအတွက်ကိုတောင် ဘုရားရှင်ကသိတော်မူရေ။ ယင်းဟာကြောင့် မစိုးရိမ်ကတ်ကေ့။ မတ်ရို့ဟာ စာချေတိထက် ပိုလို့တန်ဖိုးဟိရေ” လို့မိန့်တော်မူခရေ။

ကိုယ်တော်က ဆက်လို့ “သိုးအုပ်စုချေc၊ မတ်ရို့ရဲ့ အဖဘုရားရှင်ဟာ မတ်ရို့ကို သူ့ရဲ့ သာသနာတော်ကိုပီးဖို့ အလိုဟိဟာကြောင့် မကြောက်ကတ်ကေ့။

ကျီးကန်းတိကို ကြည့်ကတ်ပါ။ သူရို့ဟာ မစိုက်ပျိုး၊ မရိတ်သိမ်းကတ်တေအပြင် သီးနှံတိကိုလှောင်ထားဖို့ သိုလှောင်တဲ့အခန်း မဟုတ်ပဲနဲ့ ကျီတိလည်း မဟိကတ်။ ယေတာလဲသို့ ဘုရားရှင်က သူရို့ကို ကျွေးမွေးထားတော်မူရေ။ မတ်ရို့ဟာ ယင်းငှက်တိထက် ပိုလို့ တန်ဖိုးကြီးရေမဟုတ်လား။

မတ်ရို့ဟာ အဇာကိုစားရဖို့၊ အဇာကိုသောက်ရဖို့ဆိုဟာကို အမြဲတမ်း မစဉ်းစားနီကတ်ကေ့။ ယင်းဟာနဲ့ပတ်သက်လို့ စိုးရိမ်ပူပန်မနီကတ်ပါကေ့။

အို ယုံကြည်ချက်နည်းကတ်တေလူတိ၊ ဘုရားရှင်ဟာ အချိန်ကာလအနည်းချေလောက်ယာ အသက်ရှင်နီပနာ နောက်နိန့်ခါ မီးထဲကို ပစ်ချခံရဖို့တောပန်းချေတိကိုတောင် လှပတင့်တယ်အောင်ဖန်ဆင်းပီးထားကေ မတ်ရို့ကိုပိုလို့တောင် ဖန်ဆင်းပီးဖို့မလား။

ဖုံးကွယ်ထားလို့ရရေအရာလို့ မဟိ။ ယင်းအရာတိဟာ လျှို့ဝှက်ထားတာလဲ တစ်ချိန်ချိန်မာ ဖော်ထုတ်ခံရဖို့ဖြိုက်တေ။