Popular Bible Verses from Luke 3

Share

ထွောင်ထား အကှဉ်းခှော့မခေါင်ယော့မီမောင် ယောဟန်ဟော် လူအမျောတွို့ကွို ယေနဂ်မန်ဂလော်ပှုပေးခယ့်ရယ်။ ကွိုယ်တော်ယေရှုဟော်လယ်း ယေနဂ်မန်ဂလော်ခေါင်ယူပွီး ဆုတွောင်းနေခှိင်မောင် ကိုးကန်ဟော် ဟန်းလန်းပွမ့်ပွီး ညင်အလန်းတိုဟော် ခှိုးင ပုန်စောင်နောင့် ကွိုယ်တော်အပိုကွို ဆန်းသဂ်လော်လေရယ်။ ကိုးကန်ခေါ့ အဆောင်တိုဟော်လယ်း “နန်ဟော် ငေါ်ခှဂ်မှဂ်နွိုးတိုမူရယ့် ငေါ့ယယ့်ဆောတိုဖှဂ်ရယ်။ ငေါ်ဟော် နန့်ကွို ကော်တရော်ကွို ကှေနောဂ်အောရော့တိုမူရယ်” လွို့ ထွပိုလေရယ်။

အယ်းယော်ကျွောင့် ယောဟန်ခေါ့ ဆူတွို့ကွို “ငေါ်ဟော် လူရယ်ကွို ယေနောင့်ယေနဂ်မန်ဂလော်f ပှုပေးတော်မင်ရယ်။ ဟော်ပေမယ့် ငေါ့ထဂ်မှင့်မှဂ်ရယ့်လူတဦးလော်နေပီ။ ငေါ်ဟော် ဆူ့ယယ့်ဖနောဂ်ကျွိုးကွို ဖှေပေးဖွို့တအွောင်မောင့် မထောဂ်တန်ဘူး။ ဆူဟော် ယေနဂ်မန်ဂလော်ကွို ညင်အလန်းတိုနောင့်ယော၊ မီးနောင့်ယော နန်တွို့ကွို ပှုပေးလောဂ်မယ်။

နန်တွို့ယယ့် အပှဂ်ဒုစရောက်ရယ်ကွို စွမ့်လောဂ်ပီဆွိုတော်ကွို အလုတ်နောင့်ဆဂ်ဆေပျော့ကျော့။ နန်တွို့ကွိုယ်နန်တွို့ အာဗြဟံယယ့် မျွိုးဆဂ်ဖှဂ်ရယ်ဆွိုပွီးဟိုးမနေကျော့နောင့်။ နန်တွို့ကွို ငေါ်ဟိုးမယ်။ စော်ကျွောင့်လောဟန်ကော ဖရောဆန်ခေါ့ ကွှောဂ်ခါးမျောကွို အာဗြံဟံယယ့်မျွိုးဆဂ်အဖှဂ် ပွှောင်းလားနောင်ရယ်။

အခုအခှိင်မောင် ဖရောဆန်ဟော် နွောင်တော့မယော့ရယ့်ဆူရယ်ကွိုအပှဂ်ပေးဖွို့ ပဆိင်တလဂ်အနေနောင့်အဆန်သင့်ဆိနေရယ်။ အယ်းယော်ကျွောင့် အဆီးကွောင်းမဆီးရယ့်အပန်နောင့်တူယန် ဖရောဆန်ဟော် အယ်းလူကွိုအပှဂ် ပေးလောဂ်မယ်။ အယ်းလူဟော် ခွိလယ်းခေါင်ယော့ပွီး မီးဆွို့ခေါင်ယော့ရယ့်ဆဂ်ပန်နောင့်တူလောဂ်မယ်” လွို့ဆွိုလေရယ်။

ပရောဖက်ဟေရှာယခေါ့ ဆူ့ယယ့်ကျောင်းမောင် ယောဟန်အကျွောင်းကွို ကျွိုတန်နမိင့်ဖတ်ရယ်းဆောထောခယ့်ခှန်းမောင် “တိုးက‌န်တော်ရော့ထားမောင် တစုန်တဦးခေါ့ အိုဟဂ်ကျွေးကျိုရယ့်အဆောင်မောင် ကွိုယ်တော်ယယ့်လောင်းကွို ပှန်ဆန်ကျော့လော။ ကွိုယ်တော်ယယ့်လောင်းကျွောင်းရယ်ကွို ညီညော်ဖွှောင့်တန်းစေကျော့လော့။ တွောင်ကျောချိုင့်ဝမ်းတောင်းကွို မှေဖွို့ပွီးတွောင်ကွိင်း၊ တွောင်တန်းမျောကွို ညီညော်စေပေါ်။ ကွောဂ်ရယ့်လောင်းမျောကွိုဖွှောင့်တန်းစေပွီး ကျောင်းတောင်းရယ့်လောင်းမျောကွို ချိုးမွဂ်စေပေါ်။ အယ်းနွောဂ်မောင် ဖရောဆန်စေခွှဂ်တိုမူရယ့်ကာတန်ဆန်ကွို လူတောင်းတွိမျိုယော့လောဂ်မယ်” ဆွိုပွီးဖှဂ်ရယ်။