Popular Bible Verses from Luke 19

Share

ဗွယ်ဖရာဖုခုဒွို ကြွလင်တို အီကွင်ဖီ ပလူးတမာစာဖုန်းထွို့ အီကယ်ဖီတာတို" မိန့်လေနိန်းအွယ့်။

အာကာအွယ့် "နောင် ဗွယ်ဖရာနျန်း ကကြွလေးဒါ ခွမ့်ခမ်းဒွို မင်္ဂအိုယွမ့်တွို့။ ဝိန်းခမ်းကု ဖီကငြိမ်ချမ်။ ဗွယ်ဖရာတန်ခိုတော် ဖီကခါ့လက်" က့ကာနိန်းအွယ့်။

ကိုယ်တော်အွယ့် " ပလူးဒွိုးပလားဒွို အိုတိုနောင်အာဗြဟံ တယွမ်အန်မျိုမဲ့ တေးဟန်ငြီး ဗွယ်ဖရာကယ်လိထွို့ပလူးကအိုဒါ ယွမ်ဒွိုးမာစာကားကအို။

ကိုယ်တော်အွယ့် ထွိုင်တွိုထွို့ ခမ်းလန်းအွယ့်ကုပါး ဟွိုင့်ခလွို့ထန်ထွို့ "ဇက္ခဲ၊ လင်းမွိုင်မွိုင်ချန်းလုဲင်။ ဟန်ငြီးလိုင်း ငါးအီးအိုတည် နားယွမ်းကု" မိန့်လေနိန်းအွယ့်။ အွယ့်မဲ့ ဇက္ခဲအွယ့် အိုတွိုင်းမွိုင်လောင် လင်းလင်မွိုင်မွိုင်ထွို့ ကြိုကိုယ်တော်ယေရှု နောင် တဟွမ့်ခို။

ထွို့မဲ့ ဇက္ခဲအွယ့် အိုထွိုင်ထွို့ "ဗွယ်၊ ဗွယ်၊ ငါးကပွိုင်ဒါတာဖုန်းအွယ့် ငါးအီပါးဖီကေ့ ပလူးလီအိုဟ ဆင်ရဲစာဖုန်းအခို့။ ထွို့ဒါ့မဲ့ ကကောက်လွို့ဒါ ပလူးပိန်ပလားပလားဆောင့် တခွန်ကွမ့်ဖုန်းအွယ့်ဟိုလဲ့ ငါးအီပြန်ဖီချာဒါ့ လွို့ထိုင် အန်လွူဆ"လျှောက်ဒင်နိန်းအွယ့်။

ပလူးကျွိုကု ကအိုဒါ ဖာရိရှဲ ပိန်ပလားပလားအွယ့် "ဆရာ၊ အန်ချန့်ရပ်ကေ့ နားတပည်ဖုန်း ဒေါင့်လိုကာတာနုဲင့်ဟိုလုဲင်" လျှောက်ကာ ကိုယ်တော်နိန်းအွယ့်။ ထွို့မဲ့ ကိုယ်တော်အွယ့် "ငါးဒေါင့်နားဒွို့ ၊မေဘသာအန်ချန့််ရပ်အာကာ က့တာဖုန်းလဲ့ လုံဒွိုးဟို အီကာ့ထန်းကားဟနေ" ဒေါင့်အာကာနိန်းအွယ့်။