Popular Bible Verses from Luke 7

Share

ဇာ့နွို့နား အို့ဘာဆောင်ဖြိုနွို့နား ကမြနီးနား အပြစ်ဘာ့ဘို့ဘက်နွို့ ဘာ့ဗင်ခွင့်လွှတ်ခံနွို့နား ခှိက်မေတ္တာသမြနွို့ကုန်းလွန်းလန်းနွို့ကိုးနဲ့။ လို့ဘာ့ခွင့်လွတ်ခံ အ့်နည်းနွို့နား အ့်နည်းစယ် ခှိက်မေတ္တာ ဘာ့ပလေစ်ဟောက်” နွို့ ဖြိုလောက်ဟောက်နဲ့။ နွို့ခေါင်း ကိုယ်တော်နွို့ သမြနွို့နား “အပြစ်ဒုစရိုက်မို့နွို့မေ့မေ့နု့နား ခွင့်လွှတ်အာယော့” နွို့ ဖြိုမနနဲ့။

စနွို့လဲ ကိုယ်တော်ယေရှုနား ကမြနွို့နု့ “ယုံကြည်ခြင်းမို့နွို့နား အမ်ကယ်တင်ဝဲ့မွို့ကိုးနဲ့။ ငြိမ်းငြိမ်းချမ်းချမ်းကု့စေး” နွို့ဖြိုမနနဲ့။

နွို့ခေါင်း သမြနွို့နောင်း တာ့ကောက်ကိုယ်တော်နွို့ ပို့တွို့ထာ မုဲင်ယော့ ညှင်းတွို့ထာ အွူလာ့ငုဲင်းအမ်နွို့န ကောက်ကိုယ်တော်နား အ့်စို့တွို့ထာ ကတောင်ဖုန်ညုပ်တောင်ဖုန်န ဆှက်ဂျောင်းအာနွို့နဲ့။ နွို့ခေါင်း ကောက်ကိုယ်တော်အ့်စုံနွို့ မှုတွို့ထာ တကံမှု့ဟိန်းန လှက်အာမနွို့နဲ့။

နွို့ခရိုန်စယ် အေ့နွို့နားလဲဉ်း တာ့ကိုယ်တော်နွို့ မောင်ပို့ထွိနွို့လဲဉ်း လာ့ထိုက်တန်ကော။ ကိုယ်တော်ဆောင့်အာအ့်မိန့်န အစေခံအို့နား မာန်တူးပိုလောက်ဟောက်။ အို့ကိုယ်တိုင်နားလဲဉ်း နာ့အို့ဟို့မဲ့တာ့ကက်လို့အ့်ရာဟိုနွို့ တာ့ကက်တိအို့နီးနားလဲဉ်း လို့စစ်ဟိုဘို့ဘက်တွိုန်းနွို့ကိုးနဲ့။ အို့နား တပ်သားအာ့်ကွက်နွို့ ‘ကု့’ နွို့တာဖြိုနွို့နု့ အမ်နား မင်ကု့တွို့၊ ‘ပို့’ နွို့တာ့ဖြိုနွို့လဲဉ်း အမ်နား မင်ပို့ဟောက်နွို့နဲ့။ အစေခံအို့နွို့နားလဲဉ်း ‘ယို့နီး’ နွို့တာဖြိုနွို့ အမ်မင်ယို့ဟောက်” နွို့လျှောက်တံမနနဲ့။ ပနောင်နွို့နု့ ကိုယ်တော်ယေရှုဆောင့်အွမ်နောင်း အံ့သြတွို့ထာ ဘတ်နွို့ဘာ့တန်လွမ်းမဲ့လို့နွို့နု့ လှည့်ရေ့တွို့ထာ “ပွို့နွို့နား အို့ဖြိုလောက်ဟောက်။ လို့မျိုးအစ္စရေးဘို့ဘက်နွို့မှ လို့ယုံကြည်မှုကုန်းရီးနီးနောင်း အို့ခါထွိဖူးကော” နွို့ဖြိုမနနဲ့။

တမ်းချန်နွို့ ကိုယ်တော်နောင်း လို့ပမန်းတူးကားဘို့ဘက်နွို့ အ့်ကျန်းမာတွိုထာ တာ့လို့ကနံဆို့တာ့ဗောက်မဲ့ဘို့ဘက်နွို့မှ ကနံဆို့ဘို့ဘက်နောင်းလဲဉ်း ဒေါက်လေးအာမှကကော လို့လာ့ငုဲင်းရင်ကောဘို့ဘက်နွို့လဲဉ်း လာ့ငုဲင်းအ့်ရင်ဘက်အောင် ကုဟောက်နွို့နဲ့။ ကိုယ်တော်နား တပည့်‌တော်ယောဟန်ဘို့ဘက်နွိုနား “ခမ်ပွို့ယင် ဇာ့ဘာ့အွမ်နွို့နား ပို့မဲ့ဇာ့နွို့ နု့ တယောဟန်နို့ ကု့ဖြိုကြဘို့နွို့နဲ့။ လို့လငုဲင်းဘာ့ယင်ကားနို့လဲဉ်း လုနီးလငုဲင်းအမ်ယင်ကြတွိုဘို့။ လို့တီ့ကောက် ဘာ့ဗီးမဲ့နို့နားလဲဉ်း ကု့နိုင်းကြတွို့ဘို့။ လို့အ့်ကစုကုန်းရောဂါ သည်ဇာ့နိုလဲဉ်း ရောဂါဗာပွန်ကြတွို့ဘို့။ လို့လာ့သန်ဘာ့အွမ်ကောနွို့လဲဉ်း အွမ်ဘက်ကြတွို့ဘို့။ လို့ဘာ့ဗီးမဲ့နွို့လဲဉ်း အ့်ထက်ပလုဲင်းဘက်တွို့။ လို့ဆန်းရဲဇာ့နွို့လဲဉ်း မင်္ဂလာကတမ်းကလို့နွို့ မင်အွမ်တွို့။