Popular Bible Verses from Luke 15

Share

နွို့ခေါင်း ကွန်ဖြောက်အ့်ပေ့အာ့်ကွက်နောင်း အောက်တွို့ထာ ရန်းကု့ညာ့ပါအမ်နို့နွို့နဲ့။ ပါအမ်နောင်း ကွန်ဖြောက်အမ်အ့်ပေ့အာ့်ကွက်ရန်းပွို့ အ့်ငှာနွို့ ဆောင့်ရင်မာန့်နွို့န ကွန်ဖြောက်အမ်နွို့ သနားဟောက်ခေါင်း ကန့်တွို့အ့်ဗီတွိုန်းထာ ကု့ဖက်ကု့မှု့ဝဲ့နွို့နဲ့။

ရွားနွို့ပဒေကား ကွန်ဖြောက်အို့အ့်ပေ့အာ်ကွက်နား အမ်ပီးတွို့နွို့ထုံဟောက်နု့လဲဉ်း လုနီးအထက်ပလုဲင်းဘတ်တွို့ထာ၊ အမ်ဗာကု့ဟောက်နွို့ထုံဟောက်နု့လဲဉ်း လုနီးထွီးဘတ်တွို့ နွို့ဆောင်ဖြိုယော့နောင်း ခွို့နွို့နောင်း ပွီးဂုဏ်နွို့ စယို့ကြဘို့နွို့နဲ့။

နာ့နွို့နု့ ပွို့နွို့နား အိုဟောဖြိုနွို့နား ကနံကလို့ဖြားနောင်း လို့ဘာ့ဖြောက်မှန်ကန်မဲ့ လိုလ့်ဗင်ကောနောင်တနွို့ လို့ဘာ့ထုန်မဲ့နွို့နား တာစံန်ကျင်စံန်ကွက်နွို့မှ ဘာ့လှည့်ပိုဖက်ဖြားနွို့ ဘာ့ယို့အပြစ်ဒုစရိုက်နွို့မှ တာ့ဗင်နောင်တသံဝေဂအာ့်ကွက်နွို့ခေါင်း ဗဟိုမဲ့ရွှေမြို့တော် ဖြားန ကနံကလို့အမ်နွို့နောင်း နွက်တူးလှူးလောက်ဟောက်” နွို့ဟောဖြိုမနနွို့နဲ့။

အို့နောင်း အခွပ်နွို့ တာ့လွက်နီးလေးပွန်တွို့ထာ တာပါအေ့နွို့ကု့တွို့ထာလဲဉ်း “ပါ၊ အို့နောင်း ဖြားနွို့ဖုန်၊ ပါအေ့နွို့ဖုန် ပြစ်မှားမာန့်တွို့။

ကွန်ဖြောက်အ့်ပေ့အာ့်ကွက်နောင်းလဲဉ်း ပါ၊ အို့နောင်း ဖြားနွို့ဖုန်၊ ပါအေ့နွို့ဖုန် ပြစ်မှားမာန့်တွို့။ အို့နောင်း ကွန်ဖြောက်မို့အာ်ကွက်နွို့ လာ့သတ်မှတ်ထိုက်ကော နွို့ဖြိုမနနဲ့။

“ပွို့နွို့နု့ သိုးဟိုယော့အ့်ာကွက်အာ့်ဖျားနား ကောင်ဖုန်သိုးနွို့မှ အာ့်ကွက်နွို့ တာ့ဗာ့နွို့နု့ မို့နောင်း သိုစံန်ကျင်စံန်ကွက်နွို့ ဗွေကန္တာရနွို့ ကံပို့တွို့ထာ ဘာ့ဗာပွန်မဲ့သိုးအ်ာ့ကွက်နွို့ မထွိမချောင်း ရက်ကြဘို့ကက်ကောဟား။