Popular Bible Verses from Luke 5

Share

A'mcok hau haq kiloeq Siqmou wa hlui khoeq tui a'mthuk pa'toeng mtoeiq tiloeq poek khlawqe taeng a'hau.

Siqmou loeqkhaw Boi yoe, keiloeq yanblaiq yaicong yaica suihang loeqkhaw thaekak khaw laqaq hang. Seiloeqkhaw Boi loeq keiya amtoeq nak loeq poek ka'khlawq ba lai taeng amsauki ba. Siqmou loeq yaq khlaung haqkhaw poek khlawq uk loeq ngaw a'nman bala teq poek haq tak poeiq waiqong ngaw thaengthaeng ánman laq.

Seiloeqkhaw Boi khoeq khlaung haq hma khoeq sot loeqteq a'thin hiq duna suq a'tongi yai a'ciqthiq. Boiyesuq loeq a'plaet mawq poemak plaet hloeq loeqteq a'mniq a'mboei paek khoeq klong

Khlaungpawi haq tawiq ya kei ka'lo khoeq seiyaq. Seiloeqkhaw pawi yaq khoeq khlaung haq a'plaeta khoeq sa'diq a'nlaq ba lai tawiq ya ka'lo khoeq noeng taeng a'hau haq. Ei án hmuti khoeq klongoeng Boiyesuq a'hiq a'laqi khoeq klong

Nei kha a'phlaet khoeqhaq a'hmuq laq khoeq Siqmou Petaruq khaw Boiyesuq ok kho wa ngung loeqteq Boi yoe kei khoeq a'plaet mawq ka'phlaet klongoeng keihma khoeq soti loeq cite taeng a'hau.

Boiyesuq loeq a'msauki haq ba khoeq teq a'kaiyisaw haqloeq sa'lawon loeyiyaq uk. Kaiyaqsaw haqloeq noeng sa'lawon a'nloeyi.

Yaqkiyoeng yaqhniq loeq hlui haqkhoeq konga taung uk loeqteq a'moeiq khoeq hyaq poeiq uk loeqteq Boiyesuq hnu a'ntoemi. Boiyesuq loeq a'mno poemak mniq a'mboei paek khoeq klong

Yaqkiyoeng Boiyesuq khoeq mloeq mloeqaka a'moeiq tuna a'pum blaiq a'mno poeiq khoeq khlaung poemak khaw yaqa a'moeiq. Yaq loeq Boiyesuqa a'hmuq loeq Boi hmaungkauma Bok loeqteq Boi yoe, Boi na'mlung a'moeiq nak loeq kei mniq klok ong amsai hme taeng a'khawqi. Yaqkhowa Boiyesuq loeqkhaw yaq khlaunga a'kutoeng hmlaem loeqteq keiloeq ka'loeyi, klokcaek taeng a'hau loeq yaq a'mno khoeq saksang a'klok toeq.

Seiloeqkhaw Boiyesuq sa'tau khoeq omdun ta'kuma a'hyayi poeiq klongoeng khlaung haqkhaw Boiyesuq loeq a'mcok hau haqkhoeq a'nkhawm louqi yai khoeq tawiq ya kaiyaq uk saw haqkhaw a'nmniqa khoeq a'klokai tawiq ya a'nlo.