Popular Bible Verses from Luke 17

Share

အင်(မ်)ဟိုဝေါလ် ကိုယ်တော်ယေရှုနား "ထုလ်ဝေနား ဈာတ်တား။ နာ(င်)ယုံကြည်မူနား နာ(င်)စာန်းဘွာလ်ဟနောလ် အစိုင်းပက်ယောင်" တိရို အမိန့်။

အင်(မ်)ခေါင်နား နားအပေါ်ဝေါလ် နိပ်ဟှတ်ဓေါလ် အပြစ်ကွလ်ဆိ စိုင်းနားခါ "နောင်တကေလောဒ့်" တိရို ဟောင်ဟိုဝေါလ်စေ့ အင်(မ်)ခေါင် ခွင့်နာလွှတ်လောဒ့်အိုက်" တိရို အမိန့်။

အင်(မ်)လှီ့ဒုလ်ကာလ်ကိ ပွလ်ဟှတ်နား အနာရောဂါ ခိင်ဘွာလ်ပါလ်နောက်ခေါမ် စုတ်(င်)ကာလ်ဟိုဝေါလ် လူးဘွာလ်ထေ့နား ဖုလော်ရှင်ဂုဏ်တော် အချီးမွမ်းထေ့နား ကိုယ်တော်စငေါလ် အလူးဘွာလ်။ အင်(မ်)ပါလ်နောလ် အင်(မ်)ခေါင်နား ကိုယ်တော်ယေရှု အခူခခ်ထေ့နား ကျေးဇူးတော် အချီးမွမ်း။ အင်(မ်)ခေါင်ခေါမ် ရှမာရိဘီရိုးကိအောလ် အထောလ်။

အင်(မ်)ခန်းနောလ် နာ(င်)မီးပြုခေါမ် အရာလှီ့ သတိမူဘွတ်စူ။ နာ(င်)သာနောင်(င်)လှီ့နား အပြစ်တစ်စုံတရာ အာမ်စိုင်းဟိုဝေါလ်ခေါမ် အင်(မ်)ဆုံးမဘွတ်။ နောင်တ အလောဒ့်ဘွာလ်ဟိုဝေါလ်စေ့ အင်(မ်)အပြစ် ခွင့်လွှတ်ပက်ဘွတ်။

အင်(မ်)ပါလ်နောလ် ကိုယ်တော်ယေရှုနား "ခေါင်ဟြာစလုံး နာခိခ်ဘွာလ်ဆီးယော်ဝြား။ ကျန်တိ ခေါင်ကုစေ့ ဟိဘောင်ငေါလ်ယောင်။

အင်(မ်)ခန်းနောလ် ကိုယ်တော်နား "မုန်ညှင်းစိ ဟို့ဘောင် ယုံကြည်ချက်အမယ်ဟိုဝေါလ်စေ့ ဆပိထိင်းငေါလ် အရုန်းငေါလ်ကထု ဖောင်(င်)ထေ့နား သမုဒ္ဒရာဒုလ်ကာလ် ပေါက်ဆတ်တိရို အမိန့်ပက်ဟိုဝေါလ်စေ့ နာ(င်) အနာခံရိုက်။

ပုန်းဟို့ဆောက် ကယ်ဟိုင်ကြိုးစားတိခေါင်တိုင်း အဆောက်ဆုံးရှုံးလောဒ့်အိုက်။ ပုန်းဟို့ဆောက် အဆုံးရှုံးခံတိခေါင်တိုင် ကယ်တင်ခြင်းခံလောဒ့်အိုက်။

ကိုယ်တော်ယေရှုနား အတပည့်လှီ့အောလ် "ခေါင်အပေါင်းလှီ့အောလ် ဒုစရိုက်လှီ့ကျူးလွန်ဟနောလ် သွေးဆောင်ဖျားယောင်းခေါမ်လှီ့ ဧကန်မုချ အဖြစ်ပေါ်လူးဝိုက်။ အင်(မ်)ဘော်နားခါ ဖုလော်ရှင်နား အင်(မ်)ဘော် ပွန်ယတိထောလ်ဟနောလ် စိုင်းတိ အူဝေါလ်ခါဆီးဆတ် အပြစ်ပက်တိုက်။ အင်(မ်)ခေါင်တွက် အစွာခေါင်ငေါလ် အပြစ်လုပ်ဟိုင်အစား ပုန်းဟို့ညွားပင်ငေါလ် ရရ်ရို့ဟမ်ထေ့နား လုံးစွပ်အယ်နား ပင်လယ်ဒုလ်ကာလ် အဆိုလ်ခေါမ်စေ့ ပိုဝေနား အသက်သာဝိုက်။

ခေါင်စိုး အကြွလူးဟိုဝေါလ် ကြုံတွေ့လောဒ်ဟိုင်လှီ့ ခေါမ် 'နောဧ' အဆောက်ဟင်(င်)ဟိုဝေါလ်ကိဘော် အထောလ်နိုက်။ အင်(မ်)ချိန်ငေါလ် နောဧခေါမ် သင်္ဘောဒုလ်ကာလ် ဝင်ဟိုဝေါလ်ကထု ခေါင်လှီ့ခေါမ် အေဗာန်၊ အူးဗာန်၊ မင်္ဂလာပွဲလှီ့ အာမ်ကျင်းပဗာန် အာမ်မယ်ထေ့နား ခိုအသည်းအသန်အိုးခန်းနောလ် သွီးလန်လူးထေ့နား အင်(မ်)လှီ့ကိမ်ကိမ်ခေါမ် ဖျက်ဆီးအာမ်ခါမ်လောဒ့်။