Popular Bible Verses from Luke 22

Share

"J paw'u vj, paw'u vj ni sisaw heq ke na khawm laq yaq kaw a'laq hxvj ce phen pet maw va. Sinakha ce ke lx baw vj siyaq kaw vj 'Pxtpaw Phawlaw' lx baw yawng thonne lo bjiq seq" tiyj suq a'tong.

Sinakha nang yum me khrawng heq krak yaq hawn nj nang tok suq ka'tong pet pjn. Na'cok khrawng heq a'kxmyom lo ba hxvj nang ta-nawu heq j thonne tiq a'kyaw khrawng heq na an'yum me khrawng krak yaq hawn nj poqcai pet bjiq' tiyj a'hawu.

'Boipaw Yesyuq' na mung kha lju batx theqna 'Pxtpaw Phawlaw' a'tjuqkauq ve nawk. Pjnnj ce mung khrawng pit na a'tabeq heq j phe na "ni mung khrawng nang'hi tok ke na ka'pet khrawng ke pumyo vj thonne. Ke nan'khin ne nawk hai tok kj e-o vjn" tiyj a'hawu.

Jn baw tjng ngj an'e-ok cawng na ce 'Boipaw Yesyuq' na khok kha lju theqna ni khok khrawng nang'hi yj ka'lji khrawng ke thithawng dj a'lju ve. Ke thithawng khrawng 'Pxtpaw Phawlaw' na khrawng heq kra vj pumyo tha, lungbong tha vj mji ba khoq hai tok ke thi sawksi yj a'thonne.

'Boipaw Yesyuq' khrawng a'lhji yj a'niq-e khrawng khawm pheng thathxn theqna suq a'tong khennj a'pum mj kxq a'khrawnkhri heq khrawng a'thi dep tiq baw vj dek khrung ngj a'kraw.

Sinakha nang'hi ce jn heq baw vj mji kawq cuq. Nang'hi duk kj a'mrawt dj vj thonne tiq khrawng cum me dj tiq khrawng baw vj mji theqna, lawm dawn tiq j thonne tiq khrawng an'ma baw vj thonne laq ai.

'Boipaw Yesyuq' na "'Petaruq' j tuq nhxp 'A' a'khong lhawn nj nang na ke khrawng co hx tiyj krawn thum tiqtiq na'caqtit tai" tiyj a'hawu.