Popular Bible Verses from Luke 12

Share

Jnkhennj i-khaw tom mj a'cjncjn mji bjiq cuq. Ibahai yj nawk hxce 'Ceqcaw' vj thon tiq khrawng nang'hi na nan'xt nawk yaq cxn nj a'lo ba vai" tiyj a'hawu.

Jnkhennj 'Pxtpaw Phawlaw' neng-ngeng yawng a'yawng ngj sui yjn. Jn hxyawng nang'hi lx khrawng heq kha a'pet tai.

Jn nj kxq lon na nan'lxto kong khrawng phen ne bjiq cuq. Ibahai yj nawk hxce boima cu na kha nan'boiqma vj nan'sawk lheq j laq yju tiyj a'hawu.

Ibahai yj nawk hxce nang'hi boiqma mji nawk dxn nj nang'hi lungbong heq kha a'khrai theq khennj thonne.

Hu-u ce an'lhawq-e khrawng ngj an'sawk meqcaw bawng an'sawu ba nawk.

A'tha krawn-nghawt 'Boipaw Yesyuq' na a'tabeq heq j "jnkhennj nang'hi yj ke na hawu dang ka'ti khrawng ce nang'hi sawk nghawt nan'mji khoq hai tok i ka'e laq ai, i ka'khoq-e laq ai nawk khrawng lhawq-e kawq cuq.

Nang luki yj kxq lusawm heq kha i-hyawq a'mji nawk khrawng 'Pxtpaw Phawlaw' na sxp na a'tawk pjn. Jnkhen cuvj lhawq kawq cuq nang'hi khrawng phet caw heq thawk kj nan'phu kong.

"J to cuq cawy heq, kiq-e kawq cuq. Nang'hi 'Pxtpaw' na nang'hi yj neng-ngeng pet hai tok kj a'lx mji.

'Awngaw' heq so theqna nan'lung suisaw ye yjn. Nhi tiq na a'ciqnaw lin yju uq phvawq yju uq. Cawng kha yan yju uq. Cawng im kha mji yju. An'cxm nawk hai dxn kha mji yju. Sinakha 'Pxtpaw Phawlaw' na nhi tiq a'duqcawq. Jn haw heq tawn yaq nang'hi nan'phulen tx siyju yaw.

E-Khrawng ok-khrawng tok kj lhawq na mji kawq cuq.

J meqcaw yawng yum ti heq j tuq nhxp nan'sawk heng theqna nghawt-tjq j mipxm duk kj djutit khrawng khawm laq tiq tju vj kxq nhawng papa kung kha 'Pxtpaw Phawlaw' na jn hyawq a'khoqbawq pet nawk hxvj ce nang'hi yj jn thawk tawn yaq a'khoqbawq pet tai siyju vaw.

Khrawng heq na kxp na a' tawk khrawng heq kha 'Pxtpaw Phawlaw' a'awuq vai. Khrawng heq na thuq na an'tawk khrawng heq kha 'Pxtpaw Phawlaw' na a'dawn kyaq ai.