Popular Bible Verses from Luke 3

Share

ထောင်သွင်းအကျဉ်းအဟြန်မိကရပ် ယောဟန်စာ လူးရက်အင် အိန်းမြုပ်မင်္ဂလာအီဒက်ကို ကိုယ်တော်ယေရူယဲ့ အိန်းမြုပ်မင်္ဂလာခံယူကို ဆုစိန်တုန်းကရပ် ကောင်းကင်စာ ဟင်းလင်းပွင့်ကို ဉာဏ်အလင်းတော်နာ ချိုးအူဆီအသွင်အိမ် ကိုယ်တော်ကအပေါ်ဝါ ဆင်းသက်ဗာန်(ဖ်)ဂါးဟေ။ ကောင်းကင်ယာဘင်း အကြာယဲ့ "နင်စာ ငါကချစ်ဟေက ငါကအဆာဖြစ်ဟေ။ ငါစာ နင်ငင် တဗျင်းနှစ်သက်အားရဟေ" ငါးဂို့ အကြာရက်ယေ့ပြူယိုးဝန်ဂါဟေ။

မှအကြောင့်အိမ် ယောဟန်နာ "ငါနာ လူရက်အင် အိန်းအိမ် အိန်းမြှုပ်မင်္ဂလာ အီကက(လ်)မှန်နက်ဟေ။ ညီးင့ဒင့်ယဲ့ ငါ့တောင်မှာဒင့် မြင့်မြတ်ဟေကားလူးဟူးဝါ ဗန်(ဖ်)တုန်းနန်း ဖြိုက်ဟေ။ငါနာ အမှာဂါးဖိနပ်ရာဖူအင်ဒင်းဖြုတ်အီက အထိုက်တန်ပါ(လ်)။ အမာနာ ဉာဏ်အလင်းတော် အိမ်ယေ့ပါ၊ a ဗန်းအိမ်ယေ့ နနိန်ရက်အင် အိန်းမြှုပ်မင်္ဂလာအီးလင်ဂါး။

နနိန်ရက်က အမီးကအလိစ်အင် စွန်လွှတ်ဟေ့ကား သက်သေဆနပ်အင်း။ နနိန်ရက်ကနနိန်ရက် အာဗြဟံကမျိူးဆက်ဖြစ်ဟေငါ့ကို ပြိစ်ဂိုအတုန်းယေ့။ ဘုရားရှင်နာ မှတလုံငင် အာဗြဟံဂါးမျိူးဆက်အဖြစ် ဖန်ဆင်းလှုဟေ။

အတတ်ကအချိန်ငါ အဖင်းရက်အင် အကြိုက်အာဘင်းစကို ဗန်(ဖ်)ဓူ(ဖ်)ကား ပေါက်တူလက်တာ အသင့်ငါတုန်းနန်း။ မှအကြောင့် အဆီမီအဆီကအဖင်းရက်အင် ဗန်(ဖ်)ကဟင်းပေါ်ကို ဗန်(ဖ်)ဗုံထဲယာ မလောက်ကဟင်းလင်ပေါ်ကား" ငါ့ကို ပြိစ်တုန်းလင်ကဟေ။

အရိယာသူတော်စင်ဟေရှာယကျမ်းယာ ရေးသားပီးကအတိုင်း "မလိမ်းကန္တာရထဲယာ ဟူးဝါပါဆာ မဒက်လေပတ်ကို ဟောတုန်းလင်ဂါနာ အရှင်ကလင်းငင် ဖြောင့်နက်ပါဇီစ်။ တဂိုကြားချိုင့်ဝှမ်းရက်အင် ကဇက်ဖားဂို တဂိုးတတင်ရက်အင် ညီညာပါစေ။ လင်းကောက်ကောက်ရက်အင်ဖြောင့်ဇီးဂို့ အညီညာကနေရာရက်အင် ချောမွေ့ပြေပြစ်နက်ပိုဇီး။ ကျီးကအိမ် ဘုရားရှင်ကကယ်တင်ဟေက လူးရက်ပေါ်လင်ပေါ်ကား"ငါ့ကို ဖြစ်ဟေ။