Popular Bible Verses from Luke 19

Share

'လူးအဆာယေ ပျောက်ကလင်ဂါလူးရက်အင်ဆုံးဂို ကယ်တင်ကဇိစ် ကြွဗန်ကလူးဖြစ်ဟေ" ငါးဂို မိန့်တော်မူလင်ကဟေ။

"ဘုရားရှင်က အမိန်းအိန်း ကြွဗန်(ဖ်)ဟေက ရှင်ဘုရင်နာမင်္ဂလာငါဟေ။ နိဗ္ဗာန်ရွှေမြို့တော်၌ ငြိမ်းချမ်းကို ဘုရားရှင်က ဘုန်းတန်ခိုးတော် ထွန်းလင်းပါစေ" ငါးဂို ဟော်ဂို ကြွေးကြော်လင်ကဟေ။

ကိုယ်တော်နာ ဇက္ခဲယင် "နင်ယေ့ အာဗြဟံကမျိူးဆက် ဖြစ်ကအတွက် ယက်ပင်းစကို နင်အိမ်နင်ကမိသားစုတစ်စုလုံးငင် ဘုရားရှင်ကယ်တင်ယင်နန်း။

ကိုယ်တော်နာ အိမ်မာနေရာထုန်ဟေကားအခါ မော့ယူဂို့ "ဇက္ခဲ" ၊ မလားဆိုက်ယိုးဝန်။ ယက် နင်ဂါကိန်းငင် တည်းခိုးဂါး" ငါးဂို့ မိန့်တော်မူလင်ကဟေ။ ဇက္ခဲယေ သဖန်းဖင်းဖုန်းငါဘင်း မလားဆိုက်ယိုးဂို့ ကိုယ်တော်ယေရှုငင် ဝမ်းမြောက်ဝမ်းသာ ကြိုဆိုလင်ကဟေ။

မှနောက်အာ ဇက္ခဲနာ စက်ဂို့ ကိုယ်တော်ငင် "ကိုယ်တော်၊ ကိုယ်တော်၊ငါက ပိုင်ဆိုင်ဟေကအူဇာရက်အင် ဆင်းရဲဆာရက်ဇီစ်တစ်ဝက်ခွဲအီက။ လူးရက်ကမား မတရားစိန်ပီဟေကား အခွန်တင်္ဂါရက်အင်ယေ့ လေးဆပိုကို ပြန်ကိုအက်နိုင်အန်ကား" ငါ့ကို လျှောက်တင်လင်ကဟေ။

အိမ်မအခါ လူအုပ်ထဲယာ ဘင်း ဖာရိရှဲအချို့ရက်စာ ကိုယ်တော်ငင် "ဆရာ၊ ဆရာကတပည့်တော်ရက် တတ်ကဒေလေ ဟော်တုန်း ဟေက ဆုံးမအီယန်" ငါးဂို လျှောက်တင်လင်ကဟေ။ ကိုယ်တော်ယေ "နနိန်ရက်အင် ငါငန်းဂါ၊ အကယ်၍ လူးရက်အင် အဟော်ကဇိစ်ငါနက်နဲ့က(လ်) တာလုံရက်နာ ရိကိုဟော်လင်ကား" ငါးဂို ငါလင်ကဟေ။