Popular Bible Verses from MATIUS 15

Share

Mingka apa nuansulu' battu ri baba assala'na nubattu ri ati na iamo injo appakaharang ri tau. Saba' battu ri ati ammumba sikuanna pikkirang daa, pamunoang, passangkilang, kabalerang, pa'lukkakang, tunra bura na pattadea.

”Pilangngeri na pina'na'lalo: gele nuantama' injo ri baba appakaharang tau, passangadinna nuansulu' injo battu ri baba, iamo injo appakaharang ri tau.”

Bangsa inni appakala'biri ri Nakke surangang babana, mingka atina derei battu ri Nakke. Tide' jua matu-matunna iyai assambajang mae ri Nakke, saba' ajarang nulapangajarangi injo iamo intu parenta rupatau.”

Jari appaui Isa mange ri ia, ”Oe idong, bakka' tappa'mu, a'jarimu ri kau assimpole numukaa'raki injo.” Rihattu injo jua sikali gassimmu ana'na.

Mingka pela' seppa'i bahine injo na nyombai ri Ia ampai appau, ”Karaeng, tulunglaloa.” Mingka pappihalinna Isa, ”Gelei siratang langalle roti nuripakasadiaang injo mange ri ana'-ana' na ripabuangi mange ri asu.” Lakua bahine injo, ”Toje'i Karaeng, mingka asu injo nganre baru'bu' kanre nua'dappe' ri mejang panganreang opuna.”