Popular Bible Verses from LUKAS 7

Share

Injomo saba'na, Nakke appau mange ri kau: Kadorakaanna nulohe injo maemmu rilappasi, saba' ia lohemo pangamaseang lageokang. Mingka tau siso'di' injo pangamaseang lageokang, so'di' todo' rilappasiangi.” Maenna injo appaui Isa mange ri tau bahine injo, ”Maeng rilappasimu kadorakaammu.”

Mingka appaui Isa mange ri tau bahine injo, ”Tappa'mu lapakasalama'ko, a'lampamoko lalang salama'!”

Ammarrangi na mangei ammenteng ribokona Isa riampi' bangkenNa, ere matanna lapabissai ri bangkenna Isa na uhu'na lapalu'lu', maeng injo lahau bangkenNa ampai laminnyaki ri minnya' hondu laerang injo.

injomo saba'na nakke kurapang todo'i kalengku gele siratang lamange ri Ditte. Mingka appaumamoKi sipali' pau, lagassingi injo atangku. Saba' manna nakke inni turiparenta jua, na rahangangku rie' todo' parajuri'. Ampa nakke appau mange risala se'renna parajuri' injo: A'lampako!, injo ia a'lampa toje'i, na mange ri sitauwang pole: Maeko! rie' toje'i mae, iyareka mange ri atangku: Jamai inni!, lajama toje'i.” Sungka'i lalangngere Isa pappauna injo, lannasai Isa ripassala'na, na ria'gilinna mange ri tau lohe injo, appaui, ”Nakke appau mange ri kaui, gelepa minang anrumpa' tutappa' appakonni bakka'na, manna pole ri tau Israele!”

Rihattu injo Isa attangngai appakagassing lohe tau battu risikonjo rupanna garring na battu rikasinsaraang surang tau lapantamai injo setang, na lasarei panjanjang mange ri tau buta injo. Jari lakuamo Isa mange ri iyai, ”A'lampaimoko, na mupaui mange ri Yahya apa mujanjang surang mulangngere: tau buta akkulle anjanjang, tau pesu' akkulle a'lingka, tau kattakang a'jari tangkasa, tau bongolo akkulle allangngere, tau mate ripakaattallasa muliang na mange ri tau tuna injo ripappauwangi kareba baji'.